اندھیرا ہونے کے باعث غلط دلہوں سے شادی ہوگئی پھر کیا ہوا؟
آن لائن (اعتماد ٹی وی) بھارت کے ڈراموں میں اکثر دکھایا گیا ہے کہ شادی کے موقع پر دلہن بدل گئی ہو لیکن ایسا حقیقت میں ہو یہ ماننا ممکن نہیں۔ لیکن بھارت میں ایسا ہو گیا ہے اندھیرا ہونے کی وجہ سے دو سگی بہنوں کی شادی غلط دلہوں سے ہو گئی۔ ہوا کچھ یوں کہ شادی کی رسومات کے دوران اچانک سے بجلی بند ہو گئی جس کی وجہ سے اندھیرا ہو گیا اور ہاتھ کو ہاتھ سجائی نہیں دے رہا تھا۔
اس کے باوجود شادی کی رسومات کو روکا نہیں گیا ۔ شادی کے موقع پر چونکہ دو دلہنوں نے ایک جیسا لباس پہنا ہوا تھا اور گھونگھٹ کے باعث کسی کو پتہ نہیں چلا کہ دلہنیں بدل گئیں ہیں۔ جب لائٹ آئی تو شادی ہو چکی تھی۔ جس پر دونوں دلہے کے گھر والوں نے اس بات پر تکر ار کی کہ لڑکیاں کیوں بدل گئیں۔
معاملہ کافی بگڑ گیا جس کی وجہ سے برادری کے لوگوں نے معاملہ سلجھاتے ہوئے دونوں دلہوں کی دوبارہ شادی کروائی اور اس بار اصل دلہن سے کروائی گئی۔ یوں یہ معاملہ خراب ہوتے ہوتے بچ گیا ۔جس کے بعد دونوں دلہوں کے گھر والے اور رشتے دار خوش و خرم اپنی دلہنوں کو اپنے اپنے گھر لے گئے۔
