شدید گرمی کے باعث سکولوں سے متعلق اہم فیصلہ۔

شدید گرمی کے باعث سکولوں سے متعلق اہم فیصلہ۔

لاہور (اعتماد ٹی وی) پاکستان سمیت دنیا بھر میں کورونا کی وجہ سے دوسالوں سے نظام تعلیم متاثر ہو رہا تھا جس پر حکومت نے فیصلہ کیا کہ اس سال موسم گرما کی تعطیلات میں کمی کی جائے گی اور تعلیمی سال اگست سے شروع کیا جائے گا۔

حکومت کا یہ فیصلہ چونکہ گرمیاں شروع ہونے سے قبل آیا تھا اس لئے تمام سکولوں نے رضا مندی دے دی۔ لیکن ملک بھر میں موسم دن بدن گرم ہو رہا ہے اور اس گرمی میں کمی نہیں ہو رہی بلکہ اضافہ ہی دیکھنے میں آرہا ہے جس کی وجہ سے بچوں کے بیمار ہونے کا خطرہ ہے۔

ان حالات کو سامنے رکھتے ہوئے وزیر تعلیم نے سکولوں کو اعلامیہ جاری کیا ہے کہ وہ سکولوں کے اوقات تبدیل کئے جائیں سکول جلد شروع کر کے جلد چھٹی دی جائے۔ 2016 اور 2017 میں گرمی اس شدید لہر کی وجہ سے ایسا فیصلہ کیا گیا تھا جس میں سکولوں کے اوقات صبح 7 سے 11 بجے تک کر دئیے گئے تھے۔ اور ہفتے میں دو تعطیلات کا اعلان کیا گیا تھا۔ تاکہ بچوں کی صحت متاثر نہ ہو۔