میڈیکل کی تاریخ میں پاکستانی ڈاکٹروں کی ایک اور کامیابی ۔
لاہور (اعتماد ٹی وی) چند روز قبل ہی لاہور کے سرکاری ہسپتال کی ڈاکٹروں نے بچے کے ہاتھوں کی سرجری کر کے جوڑ دیا تھا۔ اور یہ ایک قابل فخر کارنامہ تھا۔ اب میڈیکل کی تاریخ میں پاکستان نے ایک اور تاریخ رقم کر دی ہے۔ بائی پاس جس کو سب سے نازک آپریشن سمجھا جا تا ہے اور سب اس سے ڈر جاتے ہیں۔ کیونکہ اس میں جسم پر لمباکٹ لگایا جاتا ہے
اب شیخ زید ہسپتال میں ڈاکٹر وں نے بغیر سینہ کھولے صرف ایک کٹ کے ذریعے دل کا بائی پاس کا آپریشن کیا ہے جو کہ ایک کامیاب آپریشن رہا ہے۔ آپریشن 4 گھنٹے کی طویل سرجری کے بعد مکمل ہوا اور اس میں امریکہ کے ماہر دل ڈاکٹر فیاض ہاشمی کے ساتھ انچارج شعبہ دل شیخ زید ہسپتال کے ڈاکٹر عقیل احمد شامل تھے۔
ڈاکٹر عقیل نے اس سلسلے میں بات کرتے ہوئے کہا اس طریقہ کار میں سینے کی ہڈیاں کاٹنے کی بجائے صرف ایک سوراخ کے ذریعے کٹ لگا کر آپریشن کو مکمل کیا جاتا ہے۔ کٹ کا نشان بہت چھوٹا ہوتا ہے اور نظر نہ آنے والا ہوتا ہے۔ آپریشن کے اس طریقہ کار میں مریض کو خیون کی ضرورت بہت کم محسوس ہوتی ہے۔
آپریشن کے بعد تین دن تک مریض کو نگہداشت میں رکھا جاتا ہے پھر اس کو گھر شفٹ کردیا جاتا ہے جہاں وہ تقریباً ایک ہفتے کے آرام کے بعد اپنے معمولات زندگی کے امور سر انجام دے سکتا ہے۔
