اب سے پرندے بھی پیزا پارٹی کریں گے ۔
نئی نوجوان نسل کی مرغوب ترین غذا ہے پیزا کھانا۔یہ جنک فوڈ میں سے سب سے زیادہ پسند کیا جانے والا ہے۔ دن با دن اس کی طلب میں اضافہ ہوتا جا رہا ہے۔ سوشل میڈیا پرآئے روز کچھ دلچسپ ویڈ یو آئی ہوتی ہیں۔ جیسے ہاتھی کا چوکیدار سے کھیلنا، خاتون کا سورج کی گرمی میں گاڑی کے بونٹ پر روٹی پکانا۔
ایسی ہی ایک دلچسپ ویڈیو آج کل دیکھنے میں آ رہی ہے جہاں ایک خاتون گھر کے صحن میں موجود پیزا کھا رہی تھیں کہ اچانک ان کو کوئی کام یاد آتا ہے اور وہ پیزا کا ڈبہ وہیں میزپر رکھ کر بغیر بند کئے اند ر گھر کی جانب چلی جاتی ہیں۔
اسی اثناء میں ایک پرندہ وہاں آیا اور اس نے پیزا دیکھا تو وہ پیزا لے کر اُڑنچھو ہو گیا ۔ خاتون گھر سے باہر واپس آئی تو اپنے پیزے کے ڈبے میں سے پیزا غائب دیکھ کر حیران رہ گئیں۔ اچانک اس کی نظر آسمان کی جانب اُٹھی تو وہاں دیکھا کہ ایک پرندہ پیزا چونچ میں دبائے اُڑا جا رہا ہے۔ جس پرندے نے پیزا اُڑایا اسے سیگل کہتے ہیں۔
خاتون نے پرندے کی ویڈیو بنا کر سوشل میڈیا پر ڈال دی ۔ جہاں صارفین نے ویڈیو کو پسند کرنے کے ساتھ دلچسپ رائے دی ۔ کہ اب تو پرندے بھی پیزا پارٹی کرنے لگے ہیں۔ کسی نے کہا پیزے کی زیادہ ضرورت پرندے کو تھی۔
