شادی کو یاد گار بنانے کے لئے امریکی جوڑے نے منفر د قدم اُٹھا لیا۔
آن لائن (اعتماد ٹی وی ) شادی دو انسانوں کی زندگی کا اہم حصہ ہوتی ہے جس کو یادگار بنانے کے لئے ہر کوئی کچھ الگ کرنا چاہتا ہے ۔ جیسے جیسے دور ترقی کر رہا ہے دنیا میں دکھاوا بڑھتا جا رہا ہے ۔ شان و شوکت سے شادی ، ڈیکوریشن ، کھانے کی ڈیشز اور اس میں نئی ایڈیشن کے دلہا دلہن کی انٹری، جوکہ پہلے چل کر ہوتی تھی اب پالکی میں بیٹھ کر یا گاڑی ، موٹر سائیکل میں ہوتی ہے۔
اس اثر سے بیرونی دنیا کے جوڑۓ بھی محفوظ نہ رہ سکے اور اپنی شادی کو یاد گار بنانے کے لئے انوکھا کام کرلیا۔ دلہا جیسپ اور دلہن ایمبری بیمبر جو کہ بطور مووی اسٹنٹ ڈبل کام کرتے ہیں انھوں نے کام کے دوران شادی کا فیصلہ کیا اور اس کو یاد گار بنانے کے لئے اپنی صلاحیتوں کو بروئے کار لانا چاہا۔
دلہا دلہن نے شادی کے فوٹو شوٹ میں اپنے عروسی جوڑوں کو آگ لگا لی۔ دلہن عروسی لباس پہنے ہاتھ میں پھولوں کا گلدستہ لئے شوہر کا ہاتھ تھامے بھاگ رہی ہے جبکہ پیچھے آگ لگی ہوئی ہے ایسا ہی دلہے کا حال ہے۔ اس واقعے کی ویڈیو سوشل میڈیا پر وائرل ہو گئی ہے کچھ لوگ تنقید کر رہے ہیں اور کچھ حیران ہو رہے ہیں۔
