دنیا مختلف انوکھے واقعات سے بھری پری ہے۔ لیکن ٹیکنالوجی کے اس دور میں انسان تو انسان جانوروں کی بھی ہر حرکت کو قید کر لیا جاتا ہے۔ بیرون ممالک میں اکثر دیکھا گیا ہے گھروں میں کسی جانور کا گھس آنا۔ جیسے کہ ایک مگر مچھ امریکہ کی گلیوں سے گھومتا ہوا واپس اپنی جگہ چلا گیا۔
کہیں علاقہ مکینوں کے گھروں کی بیسمنٹ میں بھالو نیند پوری کر رہے ہوتے ہیں۔ اکثر اوقات ایسی ویڈیوز دیکھنے میں آئیں ہیں کہ کوئی سانپ گھر میں آ جاتا ہے، یا پھر کوئی تیندوا۔ ایسے واقعات ان جگہوں پر دیکھنے میں آتے ہیں جہاں آبادی جنگل کے قریب ہو۔
ایسا ہی ایک واقعہ سوشل میڈیا پر دیکھنے میں آیا۔ جہاں ایک ویڈیو میں دکھایا گیا ہے کہ ا یک شخص سویا ہوا ہے اور دو بڑے بڑے اژدھے نما سانپ ا س کے اوپر چڑھ آئے ہیں۔اور وہ شخص کچھ بھی محسوس نہیں کر رہا ۔ آرام سے خواب خرگوش کے مزے لوٹ رہا ہے۔ سانپ کچھ دیر کے بعد اس کو بغیر نقصان پہنچائے چلے جاتے ہیں۔ویڈیو کو لاکھوں کی تعداد میں دیکھا جا چکا ہے۔
دراصل یہ دونوں سانپ اس آدمی کے پالتو ہیں۔ اس لئے انھوں نے اس کوکوئی نقصان نہیں پہنچایا۔ اس شخص کا نام برین بارزئک ہے اور یہ سوشل میڈیا پر سنیک بائٹس کے نام سے وی لوگ بناتا ہے جو کہ ریپٹالز پر انحصار کرتا ہے۔ اس کے لاکھوں کی تعداد میں فالور ہیں اور یہ ان کی دلچسپی بڑھانے کے لئے ایسی ویڈیوز اپ لوڈ کرتا رہتا ہے۔
