بھارتی گلو کارہ پاکستانی میوزک اور سنگرز کی مداح بن گئیں۔
لاہور (اعتماد ٹی وی) پاکستان کے بے شمار اداکار و گلوکار بھارت میں گئے اور اپنا نام کا لوہا منوایا۔ ایسے ہی بھارت کی مشہور گلوکارہ نیہا ککڑ نے متحدہ عرب امارات میں انٹرنیشنل اکیڈمی ایوارڈ کے ریڈ کارپٹ پر ایک سوال کے جواب میں کہا کہ پاکستان کے میوزک کا جواب نہیں۔
پاکستان میں بہت ٹیلنٹ ہے ۔ ان کا کہنا ہے کہ میں نا صرف عاطف اسلم کے ساتھ کام کیا ہے بلکہ اور بھی بہت سے فنکارو ں کے ساتھ کام کیا ہے ۔ ان کے پاس بہت زیادہ اور بے انتہا ٹیلنٹ ہے ۔ مجھے ذاتی طور پر پاکستانی میوزک پسند ہے۔
اس کے ساتھ انھوں نے کہا کہ پاکستانی گلوکار اپنے کام کو سنجیدگی سے لیتے ہیں ۔ میرے پاکستان میں بہت فین ہیں جن کا میں شکریہ ادا کرنا چاہتی ہوں کہ انھوں نے مجھے اتنا پیار دیا۔
جیسے نیہا ککڑ کی یہ ویڈیو وائرل ہوئی پاکستانی مداحوں کی جانب سے ان کے پذیرائی کی گئی جب کہ بھارتی مداحوں کو ان کا پاکستان کی تعریف کر نا پسند نہیں آیا۔
