وزیر خزانہ مفتاح اسماعیل کی عقل لگتا ہے جوتوں میں بھی نہیں ہے۔ سیمی راحیل
کراچی ( اعتماد ٹی وی ) پیٹرول کی قیمتوں میں اضافہ کر کے موجودہ حکومت نے خود اپنے گلے میں مصیبت ڈال لی ہے۔ اس مزید یہ بیان کہ غریب عوام کا پیٹرول کی قیمتوں کے بڑھنے سے کوئی تعلق نہیں اس پر تجزیہ نگاروں کی جانب سے تو جو تنقید کی گئی وہ الگ لیکن اداکار بھی اس ضمن میں پیچھے نہیں رہے ۔
مشہور سنئیر اداکارہ سیمی راحیل نے اپنے سوشل میڈیا اکاؤنٹ پر ایک ویڈیو جاری کی جس میں انھوں نے وزیرخزانہ کو آڑے ہاتھوں لیا ہے انھوں نے کہا کہ لگتا ہے یہ بڑے بڑے لوگ جو ملک کا فیصلہ کر رہے ہیں ان کی عقل یا تو جوتیوں میں ہے یا وہاں سے بھی نکل گئی ہے۔
پیٹرول مہنگا کرنے کا فیصلہ آپ جیسے لئے ٹھنڈے ٹھار کمروں میں کر تے ہیں۔
آپ کو کیا پتا کہ کسی کے لئے کیا مصیبت پیدا کر رہے ہیں۔ آپ لوگوں کی جیبیں تو فضول پیسوں سے بھری رہتی ہیں آپ کو غریب عوام کی کیا فکر ۔ آپ کے یہ فضول بے ہودہ فیصلے کسی کو کتنی تکلیف دیتے ہیں۔
عام افراد جیسے کہ مزدوری کرنے والے اس مہنگائی کے دور میں گزر بسر کیسے کریں گے آپ میں انسانیت ناپید ہو چکی ہے۔جب بھی پیٹرول کی قیمت میں اضافہ ہوتا ہے تو سب اشیاء کی قیمتیں بڑھ جاتی ہیں۔ اگر کسی کے پاس موٹر سائیکل ہے اور وہ اس پر ڈلیوری کرتا ہے تو وہ کیا موٹر سائیکل پانی سے چلائے گا ۔
اس پر مستزاد کیا دال آٹا چینی ان اشیا ء کی قیمتوں میں اضافہ نہیں ہو گا اور یہ چیز یں کیا مزدار کا خیال کر کے پیدل اس کے گھر پہنچ جائیں گی۔
