حکومت وقت نے پاکستانی مردوں کی دو شادیاں تو دور ایک شادی بھی مشکل بنا دی ہے۔ اداکارہ دُرفشاں
لاہور (اعتماد ٹی وی ) مشہور ڈرامہ کیسی تیری خود غرضی سے شہرت پانے والی اداکارہ دُرفشاں نے موجودہ حکومت پر تنقید کر دی اور کہا کہ پاکستان کے معاشی حالات انتہائی بدحال ہیں۔ ملک دیوالیہ ہونے کے قریب ہے۔
پیٹرول بھی 200 سے زائد فی لیٹر دستیاب ہے۔
ایسے میں پاکستانی مردوں کا دو شادیاں کرنا تو بہت دور کی بات ہے ایک بھی کر لیں تو بہت بڑی بات ہو گی۔
اداکارہ نے اسلام میں چار شادیوں کے حوالے سے سوال کے جواب میں کہا کہ میرے خیال میں ایک شادی کر لیں اور اس کو اچھے سے کامیاب بنائیں۔ وہ زمانے گئے جب مرد چار شادیاں کر کے نبھاتے تھے آ ج تو ایک شادی بھی وبال جان بنی ہوئی ہے ۔
اس پر مستزاد یہ کہ برداشت تو آج کل ختم ہو کر رہ گئی ہے۔ مردوں کی سوچ ہے کہ ایک عورت کو سنبھالنا مشکل ہے کجا کہ دو شادیاں کر کے دو عورتوں کو سنبھالنا۔
اس پر میزبا ن نے مزاحیہ انداز میں کہا کہ اداکارہ دُرفشاں نے فتویٰ لگا دیا ہے کہ کیونکہ پیٹرول 200 سے زائد فی لیٹر ہے اس لئے مرد دو شادیاں نہیں کر سکتے۔ اس ویڈیو کو سوشل میڈیا پر کافی پسند کیا جارہا ہے ۔ صارفین اپنے اپنے تبصرے بھی دے رہے ہیں۔
