بوم بوم آفرید ی نے شاہین آفریدی اور بیٹی کی شادی کے حوالے سے سب بتا دیا۔
لاہور (اعتماد ٹی وی) بوم بوم آفریدی نے گزشتہ سال اپنی دختر انشا اور شاہین شاہ آفریدی کی منگنی کے حوالے سے گردش کرنے والی میڈیا کی خبروں کے بعد اس بات کا باقاعدہ اعلان کر دیا کہ انھوں نے اپنی بڑی بیٹی کی منگنی شاہین شاہ آفریدی کے ساتھ کر دی ہے۔
سابق کھلاڑی کا کہنا تھا شاہین شاہ آفریدی کے اہلخانہ کی جانب سے مجھ سے رابطہ کیا گیا جس کے بعد باقاعدہ رشتہ لایا گیا ۔
دونوں کی منگنی کے بعد مداحوں نے شادی کے متعلق استفسار کرنا شروع کر دیا جس پر لالہ نے واضح کیا کہ ان کی شادی آئندہ سال کے وسط میں ہو جائے گی۔
اس کے بعد بوم بوم آفریدی نے اس بات کو مذاق کا رنگ دیتے ہوئے کہا کہ میں تو چاہوں گا کہ شادی جلد از جلد ہوجائے کیونکہ شادی میں تاخیر میرے لئے پریشانی کا باعث ۔
اس بات کے اختتام پر انھوں نے قہقہہ لگایا اور پھر کہا میری بیٹی نے اپنی تعلیم جاری رکھنے کا فیصلہ کیا ہے جس کے لئے ممکن ہے کہ وہ انگلینڈ چلی جائے ۔ اس لئے شادی کے متعلق تاحال واضح فیصلہ نہیں ہوا۔
شاہد آفریدی نے کہا کہ انھوں نے یہ فیصلہ شاہین شاہ آفریدی اور انشا پر چھوڑا ہے جب ان کی مرضی ہو گی شادی ہو جائے گی۔
