محکمہ موسمیات کی جانب سے ہائی الرٹ، پری مون سون بارشوں کا سلسلہ۔
اسلام آباد (اعتماد ٹی وی) پاکستان میں ہر سال مون سون بارشوں کا آغاز جولائی تا ستمبر ہوتا ہے لیکن اس سال محکمہ موسمیات کی جانب سے الرٹ جاری کر دیا گیا ہے۔ محکمہ موسمیات نے پیش گوئی کی ہے کہ اس سال بارشیں معمول سے زیادہ ہونگی ۔ اس کے متعلق اعلامیہ جاری کر دیا گیا ہے۔
اعلامیے میں بتایا گیا ہے کہ بدھ 15 جون 2022 کو بحیرہ عرب سے مرطوب ہوائیں شام کو ملک کے بالائی علاقوں میں داخل ہو نگی۔
جس کی وجہ سے گلگت بلتستان میں15 جون شام 23 جون تک کوٹلی، پونچھ، نیلم ، بھمیر ، میر پور، باغ، ہٹیاں ، حویلی، ویلی اور گلگت بلتستان کے علاقوں آندھی تیز ہواؤں کے ساتھ گرج چمک کے ساتھ بارش ہوگی۔
پنجاب /اسلام آباد 16 سے 21 جون کے دوران راولپنڈی ، مری ، اٹک، جہلم ، میانوالی، لاہور، چکوال،سرگودھا، شیخوپورہ ، جھنگ ، فیصل آباد، ٹوبہ ٹیک سنگھ اور 17 سے 20 جون کے دوران ملتان ، ڈیرہ غازی خان ، بھکر ، راجن پور کوٹ ادو، پاکپتن، ساہیوال، بہاولنگر، خانیوال ، خانپور اور رحیم یارخان میں وقفے وقفے سے تیز بارشیں اور آندھی کے ساتھ ہوائیں چلنے کے امکان ہیں۔
16 جون کے
روز ہونے پنجاب میں ہونے والی بارشوں کی وجہ سے اربن فلڈنگ کا خدشہ ہے اس کے علاوہ خیبر پختونخواہ میں 22 جو ن سے مانسہرہ ، چترال، سوات، دیر ، صوابی، نوشہرو ،کوہاٹ ، وزیرستان ، بنوں اورڈیرہ اسماعیل کے علاوہ کئی علاقوں میں آندھی کے ساتھ بارشیں ہونگی۔
سندھ کے زیادہ تر علاقوں میں موسم خشک اور گرم رہے گا البتہ 17 جون سے 19 جون تک سکھر ، لاڑکانہ اور جیکب آباد میں گرد آلود ہوائیں چلیں گی اور بارش کا بھی امکان ہے۔ بلوچستان میں 17 جون سے 20 جون کے دوران زیارت ، بارکان کوئٹہ، قلات ، چمن ، ہرنائی ،رژوب میں آندھی کے بارش کا امکان ہے۔
اس بارش کے اثرات کی وجہ ملک میں گرمی کی لہر میں کمی ہو گی بارشوں کی وجہ سے وفصلوں کو پانی فراہم ہو گا۔ پنجاب ، بالائی خیبر پختونخواہ ، کشمیر ، گلگت اور بلتستان سمیت بعض علاقوں میں طوفانی بارشوں کی وجہ سے اسٹرکچر ز کو نقصان پہنچ سکتا ہے۔
موسلا دار بارش کی وجہ سے بالائی علاقوں میں لینڈ سلائنڈنگ بھی بڑھ جائے گی۔ محکمہ موسمیات کی جانب سے تمام علاقوں کو ہائی الرٹ کر دیا گیاہے۔
