سوشل میڈیا پر ماں بیٹی کی غیر معمولی مشابہت والی تصویر وائرل ۔
لاہور (اعتماد ٹی وی) اولاد جب دنیا میں آتی ہے تو والدین اس بات سے بے خبر ہوتے ہیں کہ اس کا مستقبل کیا ہو گا ۔ یہ بچہ بڑا ہوکر کیا بنے گا آیا یہ ملک و قوم کا نام روشن کر سکے گا۔ یا پھر ایک باقی عوام کی طرح عام سی زندگی بسر کر کے دنیا سے چلا جائے گا۔
ایسی ہی ایک بچی کی تصویر سوشل میڈیا پر دیکھی جا رہی ہے جس کہ آنکھوں میں کچھ کر دکھانے کی چمک ہے ۔ اس بچی نے بڑے ہو کر پاکستان کا نام دنیا بھر میں روشن کر دیا۔ پاکستان ویمنز کرکٹ ٹیم کی کھلاڑی بسمہ نے چند روز قبل اپنے بچپن کی تصویر سوشل میڈیا پر شئیر کی ۔
تصویر شئیر کرتے ہی سوشل میڈیا پر وائرل ہو گئی کیونکہ بسمہ نے جو تصویر شئیر کی وہ ان کی بیٹی سے بہت زیادہ مشابہت رکھتی ہے۔ چند دن قبل بسمہ اپنی بیٹی کو ساتھ لئے اسٹیڈیم گئی جہاں پر ان کی تصاویر وائرل ہوئی۔ بھارت میں بھی ان کی تصاویر کا چرچہ ہے۔
بسمہ نے اپنی اور اپنی بیٹی کی تصویر شئیر کرتے ہوئے یہ تحریر کیا کہ میں اور میری پیاری۔ صارفین کی جانب سے اس غیرمعمولی مشابہت کی حامل تصویر کو بہت پسند کیا جارہا ہے۔
