وزیرا علیٰ پنجاب نے طالب علموں کو خوشخبری دے دی ۔
لاہور ( اعتماد ٹی وی) وزیر اعلیٰ پنجاب نے اسمبلی میں تقریر کے دورا ن لیپ ٹاپ کے منصوبے کے متعلق سابقہ حکومت پر طنز کیا کہ مسلم لیگ ن کے لیپ ٹاپ کی تقسیم کے منصوبے پر بہت آوازیں کسّی گئیں اور سوال اُٹھائے گئے ۔ لیکن وقت نے ثابت کیا کہ ہمارا یہ منصوبہ کتنا اہم اور ضروری تھا۔
حمزہ شہباز شریف نے کہا کہ کورونا وباء نے سب پر ظاہر کردیا کہ وقت ایک سا نہیں رہتا ۔ ہم جس چیز کو بے کار سمجھتے ہیں وہ ضروری نہیں کہ بے کار ہو ۔ طالب علموں میں لیپ ٹاپ کی تقسیم کی گئی تا کہ ان کی پڑھائی میں مدد ہو ۔
اور کورونا وباء کے دوران جب سماجی فاصلوں کے بعد ہم ایک ساتھ بیٹھ کر کام نہیں کر سکتے تھے اس وقت گھر سے بیٹھ کر کام کرنے کا سلسلہ عام ہوا۔
ورک فرام ہوم نے سب آوازیں کسنے والوں کو یہ بتایا کہ لیپ ٹاپ کی تقسیم اس وقت کے لئے کی گئی تھی کہ ناگہانی صورتحال کبھی بھی پیش آ سکتی ہے اگر آپ کے پاس ذرائع ہو ں تو آپ ہاتھ پر ہاتھ رکھ کر بے کار ہو کر نہیں بیٹھ سکتے۔
بلکہ ایسے مشکل وقت میں بھی اپنے گھر کے نظام کو اچھے سے چلا سکتے ہیں۔
اس لئے میں عوام کو یہ خوشخبری دیتا ہوں کہ خالصتاً مسلم لیگ ن کے شروع کردہ اس منصوبے کو اربوں روپے مختص کر کے دوبارہ شروع کیا جائے گا۔
