دنیا کا مہنگا ترین تکیہ جس کی قیمت سن کر آپ کی نیند اُڑ جائے گی ۔
لاہور (اعتماد ٹی وی) ہمارے روز مرہ استعمال میں ایسی بے شمار چیزیں جو ہماری زندگی کا اہم حصہ ہونے کے باوجود ہم ان کی قیمت کا انداز ہ نہیں لگاتے ۔ ایسی ہی ایک ضروری چیز ہے تکیہ ۔ تکیہ انسان کی پرسکون نیند کے لئے انتہائی ضروری چیز ہے اس کے بغیر انسان کو سکون نہیں میسر ہوتا۔
تکیہ نرم یا سخت استعمال کرنے والے انسان پر منحصر کرتا ہے ۔ آج کل میٹریس میں بھی کئی اقسام کے میٹریس دیکھے جا رہے ہیں۔ جیسے کہ میڈیکڈڈ ، مہروں کے لئے الگ، جیل والے، فوم والے ، سپرنگ والے۔ ایسے ہی ان کی قیمتیں کم یا زیادہ ہوتی ہیں۔
انسان اپنی آمدنی و وسائل کے مطابق ان چیزوں کا انتخاب کر تا ہے اگر کوئی کہے کہ آپ ایک کروڑ 18 لاکھ کی رقم کا تکیہ لیں تو یقیناً آپ سامنے والے کو بے وقوف سمجھیں گے۔
لیکن یہ حقیقت ہے ہالینڈ سے متعلقہ ایک ماہر نفسیات تھجس وان ڈرہیسٹ نے ایک تکیہ تیار کیا جس کو دنیا کا مہنگا ترین تکیہ کہا جا رہا ہے اس کی مالیت 57 ہزار امریکی ڈالرز سے شروع ہو رہی ہے۔
تھجس وارن کا کہنا ہے کہ یہ تکیہ اس کی 15 سال کی تحقیق کا نتیجہ ہے ۔ اس کو بنانے کے لئے خالص مصری کپاس استعمال کی ہے اور اس کے ساتھ شہتوت کے کیڑے سے حاصل کردہ ریشم استعمال کیا ہے ۔ اس میں موجود ڈث میموری فوم غیر نقصان شد ہ ہے۔
اس تکیے کا غلاف خالص سونے 24 قیراط کا بنایا گیا ہے جس میں قیمتی ہیرے اور پتھر نصب کئے گئے ہیں تکیہ بنانے والے کا کہنا ہے کہ یہ تکیہ محفوظ اور صحت مند نیند کے دوران مقناطیسی شعاعوں کو روکتا ہے اس کو 3ڈی اسکنیز کےذریعے گاہگ کو مکمل طور پر مدنظر رکھ کر بنایا گیا ہے۔
