وزیر اعلیٰ پنجاب حمزہ شہباز سے ملنے کے بعد گولڈ مین کی مشکلات میں اضافہ
اسلام آباد میں ایک جگہ پر مجسمہ بن کر کھڑے ہونے والے گولڈ مین نے اپنی مشکلات میڈیا کے سامنے بتا دیں۔ ان کا کہنا ہے کہ پاکستان میں اس ٹیلنٹ کی اتنی قدر نہیں ہےجتنی بیرون ممالک میں ہے لیکن میں نے پھر بھی اس کام کو کرنے کا بیڑا اُٹھایا اور اپنی روزی روٹی چلانے لگا۔
گولڈ مین کا کہنا ہے وزیراعلیٰ پنجاب حمزہ شہباز نے مجھے خود اپنے پاس بُلایا تھا میں نے تو عمران خان سے ملنے کی خواہش کی تھی جو ویڈیو ز میں بھی ریکارڈ ہے ۔ حمزہ شہباز نے مجھے کیا بلایا میرا تو سارا نظام ہی خراب ہو گیا۔ جب سےا ن سے مل کر آیا ہوں لوگو ں کی گالیاں کھا رہا ہوں۔
حمزہ شہباز سے مل کر آنے سے قبل تو میں ہفتے میں کبھی 2 ہزار اور کبھی 3 بھی کما لیتا تھا۔اب گالیاں ہی پڑ رہی ہیں۔ گولڈ مین کا کہنا ہے کہ میرے لئے تو وہ بھی بڑے آدمی ہیں میں نے ان سے سائن کروائے کہ میں نے دیکھا تھا عمران خان نے بھی سائن کئے ہیں جب سے وہاں سے آیا ہوں لوگ مجھے نا پسند کر رہے ہیں میں نے عمران خان سے ملنے بنی گالا جانا تھا لیکن میں نہیں گیا۔
اب میں لوگوں سے کہنا چاہتا ہوں کہ مجھے نہیں معلوم کے عوام کا ہیرو کون ہے میں تو غریب اور فنکار آدمی ہوں خواہش کرتا ہوں کہ میری روزی روٹی چلتی رہے۔ لوگ میرا ساتھ دیں نہ کہ مجھے گالیاں دیں۔
