دھوپ سے چہرے پر پیدا ہونے والی جلن میں کمی کیسے کریں۔
لاہور (اعتماد ٹی وی) گرمیوں میں سورج کا پارہ ہائی ہوتا ہے اور اس کی شعاعیں انسانی صحت و جلد کے لئے نقصان دہ ہوتی ہیں۔ جیسے کہ موسم گرما میں ماہر ین بھی کہتے ہیں کہ دھوپ میں سفر نہ کر یں۔ سر کو ڈھانپیں ۔ آنکھوں پر چشمہ لگائیں۔ کوشش کریں بلا ضرورت گھر سے باہر نہ جائیں۔ پانی کا استعمال زیادہ کریں۔
ایسے ہی انسانی جلد پر بھی سورج کی شعاعیں اپنا اثر دکھاتی ہیں۔ اور اس کا رنگ خراب کر دیتی ہیں۔ اکثر اوقات جسم پر جلن ہو نے لگتی ہے ۔ مختلف کمپنیوں نے سن بلاک کریمیں متعارف کروائیں ہیں کہ ان کا استعمال کریں ۔ اگر آپ کے جسم پر بھی سورج کے اثر سے سوزش یا جلن ہے تو آپ یہ آسان سا نسخہ استعمال کرکے اس سے نجات حاصل کر سکتے ہیں۔
اس کے لئے آپ نے بالائی والا دہی آدھا کپ لینا ہے ۔ جس میں خالص ہلدی ایک چائے کاچمچ اور اتنا آٹا ڈالیں کہ یہ ایک پیسٹ بن جائے۔ اس پیسٹ کو چہرے گردن ، ہاتھوں اور پیروں پر لگائیں ایک ماسک کی طرح۔ آدھے گھنٹے کے بعد مساج کرتے ہوئے اس کو مل کر اتاریں اور ٹھنڈے پانی سے منہ دھو لیں۔
منہ دھونے کے بعد صابن استعمال نہیں کرنا۔ 2 سے 3 گھنٹے کے بعد صابن سے منہ دھو لیں۔ اس نسخے کو ہفتے میں 2 سے تین بار کریں ۔ جلن بھی ختم اور رنگ بھی صاف ہو جائے گا۔
