وزیرا علیٰ پنجاب نے بجلی کی ستائی عوام کے لیے خوشخبری کی خبر سنا دی ہے ۔
لاہور میں میڈیا سے بات چیت کے دوران حمزہ شہباز نے بتایا ایک سیاسی کارکن کسی اور نظر سے چیزوں پر غور کرتا ہے ۔ عمران خان کی طرح ہم اس بات کے لئے کھوکھلے دعوے تو نہیں کریں گے اور نہ ہی یہ کہیں گے کہ 90 دن تک کوئی مجھ سے سوال نہ کرے یا پھر ایسا کہ میں آئی ایم ایف جاؤں گا تو خود سوزی کے مترادف ہوگا۔
حمزہ شہباز نے کہا کہ میرا سفر آئینی اور قانونی بحرانوں سے بھر ا ہو ا ہے۔ کبھی سنا ہے کہ پنجاب 2 مہینے تک کابینہ نہ بنی ہو اس کے باوجود کبھی نہیں کہا کہ آئینی بحران ہے کام نہیں کرنے دیا جارہا ہے ۔
حمزہ شہباز کا کہنا ہے کہ کروڑوں کا پلاٹ فرح خان کو کوڑیوں کے دام میں دلوادیا۔ بشریٰ بی بی نے کہا سب پر غداری کے مقدمے بنائیں گے ۔ جو گھڑیا ں ان کو تحفے میں ملی ہیں وہ بیچ کر انھوں نے رقم اپنی جیب میں ڈالی ہے۔
وزیرا علیٰ نے بتایا کہ 4 سال عوام کے ساتھ جو عمران خان نیازی نے کہا اس کا سوال عوام ان سے کرے گی۔ آج پنجا ب بھر میں ہم سب کو ادویات مفت دے رہے ہیں۔ پیٹرول کی قیمتوں میں اضافے کا فیصلہ ہم نے دل پر پتھر رکھ کر کیا ۔
دن رات ہم اسی فکر میں ہیں کہ ملک کی معشیت بہتر کر لیں۔ اسی طرح ہم نے اب عوام کو 6 ماہ تک 100 یونٹ استعمال کرنے والوں کو بجلی مفت فراہم کر رہے ہیں۔
