سابق کرکٹر شعیب اختر روضہ رسولﷺ کے سامنے کمرہ ملنے پر خوشی سے پھولے نہیں سمائے۔
آن لائن (اعتماد ٹی وی) ذوالحج کا مہینہ جاری ہے اور دنیا بھر سے مسلمان حج کے فرض کی ادائیگی کےلئے سعودی عرب جا چکے ہیں۔
حج کے تمام فرائض کی ادائیگی کرتے ہوئے نسلی امتیاز ختم ہو جاتا ہے ۔ یہاں پر رنگ رنگ کے لوگ مختلف زبانوں کے بولنے والے بس رب کے سامنے سر بسجود ہوتے ہیں۔
مکہ میں قیام کے بعد عازمین حج مدینہ کی جانب چل پڑتے ہیں ۔ ایسے ہی پاکستان کے سابق کرکٹر شعیب اختر بھی اس سال حج کی ادائیگی کے لئے مکہ اور مدینہ پہنچ چکے ہیں۔ شعیب اختر اپنے تمام تر مداحوں کے لئے وہاں سے مختلف ویڈیوز شئیر کرتے رہتے ہیں۔
جیسے کہ گزشتہ روز انھوں نے خانہ کعبہ کی ویڈیو شئیر کی۔
خانہ کعبہ کے غلاف تبدیل کرنے کی بھی ویڈیو بھی شئیر کی تھی۔ آج شعیب اختر نے مدینہ میں روضہ رسول ﷺ کی زیارت کروائی اور ساتھ ہی مداحوں کو بتایا کہ و ہ بہت خوش ہیں کہ جو کمرہ ان کو رہائش کے لئے ملا ہے وہ روضہ رسول ﷺ کے سامنے ہے ۔
جہاں وہ کھڑکی کے ذریعے جب چاہیں روضہ رسول ؐ کی زیارت کر سکتے ہیں۔انھوں نے مداحوں کو ہوٹل کے کمرے سے روضہ رسولؐ کادیدار کروایا ہے۔
