افسانوی دنیا کی جل پری کو حقیقت میں دیکھ لیا۔
لاہور (اعتماد ٹی وی) جل پری ایک ایسا افسانوی کردا ر ہے جس کو حقیقی دنیا میں بہت ڈھونڈا گیا لیکن ایسا کوئی بھی جاندار یا مخلوق نہیں ملی۔ اس لئے اس کو ایک پراسرار مخلوق سمجھا جاتا ہے ۔ اس حوالے سے کارٹون ، کہانیاں اور فلمیں بنائی جاتی ہیں۔ جس کے مطابق آدھاانسان اور آدھی مچھلی نما مخلوق کرہ ارض پر موجود ہے۔
سوشل میڈیا کے اس دور میں کسی بھی چیز کو حقیقت بنانا کوئی مشکل بات نہیں ہے ایسی ہی ایک ویڈیو آج کل سوشل میڈیا پر گردش کر رہی ہے جس میں اچانک سے سمندر سے کوئی مخلوق نکلتی ہے اور لمحہ بھر کے بعد واپس سمند ر میں چھلانگ لگا دیتی ہے چھلانگ لگاتے ہی سمندر میں واپسی پر اس کی دم نظر آتی ہے جو کہ مچھلی کی دم کے مشابہ ہے۔
اس مخلوق کے سر پر چاندی کے بال ہیں اس کو عورت سے مشابہت دی جا رہی ہے۔ اس وجود کا رنگ سرمئی نما نیلا ہے قیاس کیا جا رہا ہے کہ یہ چیز کوئی انسان ہی ہے جس نے ایسا کوسٹیوم پہنا ہوا ہے جس میں کندھے کے پیڈ ، کالر اور کمر پر اسپائکس ہیں۔
جل پری نما مخلوق کا چہر ہ خوفنا ک اور عجیب و غریب قسم کا تھا جیسا کہ اینی میٹیڈ گیم کے لئے بنایا گیا ہو۔ صارفین نے ویڈیو کو دیکھنے کے بعد یہ تبصرہ دیا ہے کہ یہ ایک جعلی ویڈیو ہے۔
