پاکستان کے نامور اداکار انتقال کر گئے۔
لاہور (اعتماد ٹی وی) پاکستانی ڈرامہ انڈسٹری کے مایہ ناز اداکار تنویر جمال جاپان میں طویل علالت کے بعد انتقال کر گئے۔ اداکار کو کینسر کی تشخیص ہوئی تھی جس کے بعد وہ علاج کے غرض سے جاپان چلے گئے ۔ جاپان کے شہر تویاما میں ان کو ایک اسپتال میں داخل کیا گیا ۔
تنویر جمال کے خاندان کے مطابق ان کینسر نے اداکار کے پھپھڑوں کو بہت زیادہ متاثر کیا تھا جس کی وجہ سے ان کو سانس لینے میں بھی تکلیف تھی۔ تنویر جمال کو کینسر کی تشخیص دوسری مرتبہ ہوئی تھی اس سے قبل 2016 میں بھی ان کو کینسر کی تشخیص کی گئی تھی جس کے بعد علاج کے ذریعے انھوں نے اس پر قابو پا لیا تھا۔
رواں سال کچھ عرصہ قبل ہی ان کو دوبارہ کینسر کی تشخیص کی گئی جس کے بعدان کی صحت میں بہتری نہیں ہوئی اور وہ اپنے خالق حقیقی سے جا ملے۔ تنویر جمال نے 35 برس تک ڈرامہ انڈسٹری میں کا م کیا اور اپنی بہترین اداکاری سے بہت سے ایوارڈز بھی جیتےتھے۔
