بھارت کے بعد اب کینڈا میں گاندھی کے مجسمے کے ساتھ ایسا سلوک کیا گیا کہ پوری ہندو براداری میں غم و غصہ

my_admin_user2 years ago01 mins

بھارت کے بعد کینیڈا میں بھی گاندھی کا مجسمہ توڑ دیا گیا ۔

 

آن لائن (اعتماد ٹی وی) کینیڈا کے ریجنل یارک پولیس کے مطابق مہاتما گاندھی کے مجسمے کو کسی نے توڑ دیا ۔ یہ واقعہ بدھ کے روز پیش آیا ۔

 

یونگ اسٹریٹ اور گارڈن ایونیو کے علاقوں میں موجود ایک مند ر میں گاندھی کا مجسمہ نصب تھا جس کی اونچائی 5 میٹر تھی ۔ اس کو توڑ دیا گیا ۔ تاحال توڑنے والے کے متعلق معلومات نہیں مل سکی۔

 

بھارتی سفارت خانے نےا س اقدام کی مذمت کی ہے اور کینیڈین حکومت سے معاملے کی تحقیقات کا مطالبہ کیا ہے۔ یارک ریجنل پولیس کی جانب سے کہا گیا ہے کہ وہ معاملے کی تحقیقات کر رہے ہیں کہ اس کی وجہ کیا ہے ۔

 

 

مجسمے پر خالصتان جیسے الفاظ بھی لکھے گئے ہیں۔ پولیس کا کہنا ہے کہ کسی بھی قسم کی نسل ، قومیت ، مذہب ، رنگ عمر جنس کو بنیاد بنا کر کئے گئے واقعات کو برداشت نہیں کیا جائے گا ۔ ان کے خلاف قانون کے مطابق کاروائی عمل میں لائی جائے گی۔
مندر کے صدر ڈاکٹر بدھیندر دوبے کا کہنا ہے اس واقعے نے ہندو برادری پر گہرا اثر ڈالا ہے ۔

 

 

اس مجسمے کو یہاں نصب ہوئے 30 سال کا عرصہ گزر چکا ہے اس سے پہلے ایسا کبھی نہیں ہوا ۔ اس واقعے کی مذمت ہندوستان قونصلیٹ جنرل اور اوٹاوا اور ہائی کمیشن نے بھی کی ہے۔ اس سے پہلے بھارتی ریاست جھارکھنڈ میں اس طرح کا واقعہ پیش آیا تھا جہاں نامعلوم افراد نے تاریخی مقام پر نصب مہاتما گاندھی کا مجسمہ گرا کر اس کے ٹکڑے کر دیے۔