دنیا میں انسانوں کے علاوہ پرندے بھی کمیونٹی بنا کر رہتے ہیں ۔
آن لائن (اعتماد ٹی وی) ارجنٹینا کے جنوبی ریگستان میں ایک پینٹا گون نامی کالونی دریافت ہو ئی ہے لیکن یہ کالونی انسانوں کی نہیں بلکہ پرندوں کی ہے ۔ جہاں پر ایل کونڈور کی پہاڑیوں پر 37 ہزار سے بھی زائد گھونسلے دریافت ہوئے ہیں جن میں ہزاروں سے لاکھوں کی تعداد میں رنگ برنگے طوطے آباد ہیں۔
وہاں موجود طوطے سرنگ نما گھونسلے بنا کر ان میں رہائش کرتے ہیں۔ ایک طوطے کا گھونسلہ 10 فٹ سے لے کر 3 میٹر تک گہرا ہو سکتا ہے۔ ان کی اسی خصوصیت کی وجہ سے ان کو سرنگ کھودنے والے طوطے کہا جاتا ہے جو کہ نرم مٹی کے پہاڑوں پر گھر بنانا پسند کر تے ہیں اس مٹی کو سینڈ اسٹون بھی کہا جا تا ہے۔
ان طوطو ں کے پر سبز اور آنکھیں سفید رنگ پر مشتمل ہوتی ہیں یہ گروہ کی شکل میں سمندر پر اُڑان بھرتے ہیں تو آسمان ان کے پیچھے چھپ جاتا ہے۔ طوطوں کی اتنی زیادہ آبادی ہونے کے باوجود یہاں بھی ان کی آبادی خ طرات سے دوچار ہے اس کے لئے ان کو انتہائی نگہداشت کی ضرورت ہے۔
وہاں پر ان طوطوں کی غذائی ضروریات میں کمی ہورہی ہے جس کی وجہ سے ان کو خوراک کے لئے ایمیزوں اور دیگر خطوں کی جانب سفر کرنا پڑتا ہے اور خوراک لانے میں تین گھنٹوں تک پرواز بھی کرنا ہوتی ہے ۔ اس کے علاوہ انسانوں کی بے جا مداخلت اور سیاحوں کی وجہ سے بھی ان پرندوں کی بقاء مشکل میں پڑھ گئی ہے۔
عالمی تنظیم آئی یو سی این نے اپنی رپورٹ میں بتایا کہ ان کے خوبصور ت رنگوں کی وجہ سے ان کو غیرقانونی طور پر پکڑ کر بیچا جاتا ہے اس لئے بھی ان کی آبادی میں تیزی سے کمی ہو رہی ہے ان کے تحفظ کے لئے فوری اقدامات کئے جانے چاہیے۔
