مسجد نبوی کے دروازہ باب السلام سے داخل ھوں تو دائیں جانب دیوار میں چودہ سو سال گزرنے کے باوجود آج بھی اس پرنالے کے مقام کی نشاندہی موجود ھے، اس پرنالے کہ حقیقت جان کر آپ کی آنکھوں میں بھی آنسو تاری ہو جائینگے

my_admin_user2 years ago2 years ago01 mins

ایساتھا اسلام میں عدل و انصاف جو کہ اب ناپیدہے۔

 

لاہور ( اعتماد ٹی وی ) سیدنا عباس رضی اللہ عنہ کا گھر مسجد نبوی کے ساتھ تھا اور اس مکان کا پرنالہ مسجد کی طرف تھا ۔ جب بارش ہوتی تو پرنالہ سے پانی گرتا،جس کے چھینٹے نمازیوں پر پڑتے ۔ سیدنا عمر رضی اللہ عنہ نے نمازیوں پرچھینٹے پڑتے دیکھے تو پرنالے کو اکھاڑ پھینکا ، سیدنا عباسؓ آئےدیکھا ان کے مکان کا پرنالہ اتار دیا گیا ہے ۔

 

 

 

انھوں نے پوچھا یہ کس نے اتارا؟ کسی نے جواب دیا :امیر المومنینؓ نے نمازیوں پر چھینٹے پڑتے دیکھے تو اسے اتار دیا ۔ سیدنا عباسؓ نے قاضی کے سامنے مقدمہ دائر کر دیا ۔ امیر المومنین ابی بن کعب رضی اللہ عنہ کی عدالت میں پیش ہوئے تو جج صاحب لوگوں کے مقدمات سن رہے تھے اور سیدنا عمر عدالت کے باہر انتظار کر رہےتھے ۔

 

 

کافی انتظار کے بعد جب سیدنا عمر ؓعدالت کے روبرو پیش ہوئے تو بات کرنے لگے، مگر ابی بن کعب رضی اللہ عنہ نےروک دیا کہ پہلے مدعی کا حق ہے کہ وہ اپنا دعوی پیش کرے یہ عمرؓ کے دور کا چیف جسٹس ہے ۔سیدنا عباسؓ دعوی پیش کرتے ہیں کہ میرے مکان کا پرنالہ شروع سے مسجد نبوی کی طرف تھا ۔

 

 

زمانہ نبوی ﷺکے بعداور سیدنا ابوبکر ؓکے دور میں بھی یہیں رہا ، لیکن عمر ؓنے میرے مکان کا پرنالہ میری عدم موجودگی میں میری اجازت کے بغیر اتار دیا ہے ۔ لہذا مجھے انصاف چاہیے ، چیف جسٹس ابی بن کعب رضی اللہ عنہ کہتے ہیں آپ بے فکر رہیں آپ کو انصاف ملے گا ۔ قاضی نے سیدنا عمر ؓسے پوچھا آپ نے سیدنا عباسؓ کے گھر کا پرنالہ کیوں اتارا ؟

بائیس لاکھ مربع میل کا حاکم کٹہرے میں کھڑا ہو کر کہتا ہے سیدنا عباس کے مکان کا پرنالہ مسجد نبوی کی طرف تھا ۔ جب بارش ہوتی ہے پرنالے سے پانی بہتا ہے اور چھینٹے نمازیوں پر پڑتے ہیں جس سے نمازیوں کو پریشانی ہوتی ہے اس لیے میں نے اسے اتار دیا ابی بن کعب ؓنے دیکھا کہ سیدنا عباس رضی اللہ عنہ کچھ کہنا چاہ رہے ہیں ۔