کرکٹ کے شائقین کے لئے بُری خبر۔
آن لائن (اعتماد ٹی وی) سری لنکا کے موجودہ حالات کسی سے بھی ڈھکے چھپے نہیں ہیں۔ اس کے باوجود پاکستان اور سری لنکا کے درمیان میچز کھیلے جا رہے ہیں۔ لیکن اب خبر آئی ہے سری لنکا کے کرکٹ بورڈ کی جانب سے فیصلہ کیا گیا ہے کہ وہ اپنے معاشی حالات کے پیش نظر ایشیا کپ کی میزبانی نہیں کر سکتے۔
اس لئے سری لنکن کرکٹ بورڈ نے آئندہ ماہ میں ہونے والے ایشیا کپ کی میزبانی سے معذرت کر لی ہے اوراس فیصلے سے انھوں نے کرکٹ کونسل کو آگا ہ بھی کر دیا ہے۔ ایشیا کپ سری لنکا میں اگست اور ستمبر میں شیڈول کیا گیا تھا ۔ جس کے لئے انھوں نے معذرت کرتے ہوئے کہا اس وقت سری لنکا اتنے بڑے پروگرام کی میزبانی نہیں کر سکتا۔
اس ایونٹ سے معذرت کی وجہ سری لنکا میں موجود سیاسی بحران کو قرار دیا ہے۔ ان عوامل کی وجہ سے سری لنکا کرکٹ بورڈ نے پریمئیر لیگ کو بھی ملتوی کر دیا ہے۔ تاحال ایشیاء کپ متحدہ عرب امارات کو دینے کا فیصلہ ابھی نتیجے پر نہیں پہنچا۔
دونوں ممالک سے مشاورت کے بعد ہی اس کا کوئی فیصلہ کیا جائے گا ۔
