چھوٹے لڑکے نے وہ کر دکھایا جو کہ بڑے سے بڑے آدمی کے لئے ممکن نہیں ۔
بہادری ایک ایسی چیز ہے جو کہ سکھانے سے نہیں آتی ۔ بہادری کے ساتھ ساتھ عقل مندی بھی ضروری ہے اگر آپ کند ذہن ہو ں تو ایسے میں آپ کی بہادری کسی کام نہیں۔
سوشل میڈیا پر آئے روز بہت سی ویڈیوز نظر آتی ہیں جن میں لوگ دوسروں کی چیزیں چھین کر بھاگ جاتے ہیں۔
ایسے واقعات جب رونما ہوتے ہیں تو بہت سے لوگ ساکت ہو جاتے ہیں ان کا دماغ معاؤف ہو جاتا ہے اور بروقت کوئی بھی اقدام نہیں کر پاتے ۔
اور اس وقت ارد گرد تماشا دیکھنے والے یہ دعا کرتے ہیں کہ چلو ہم تو بچ گئے۔ لیکن ایک ویڈیو گجرات کے نوجوان طالب علم سوشل میڈیا پر وائرل ہو رہی ہے۔
اس ویڈیو میں دکھایا گیا ہے کہ ایک نوجوان لڑکا ٹویشن سے پڑھ کر آرہا تھا کہ دیکھا ایک آدمی موٹر سائیکل پر ایک خاتون کا پرس چھین کر بھاگ رہا ہے لڑکے نے حاضر دماغی سے اپنی سائیکل موٹر سائیکل سوار کے آگے کر دی جس کی وجہ سے وہ گر پڑا اور لوگوں نے اس کو پکڑ لیا ۔
سوشل میڈیا پر نوجوان لڑکے کی بہادری اور حاضر دماغی کو سراہا جا رہا ہے ۔ کہ اس نے سائیکل کی قربانی دے دی اور کسی کا نقصان ہونے سے بچا لیا۔
