سپر ہیرو سپائڈر مین نے سوشل میڈیا کے حوالےسے اہم فیصلہ کر لیا ۔
ہالی ووڈ کی سپر ہیرو پر منبی فلم اسپائیڈر مین کے لیڈ اداکار ٹام ہولینڈ نے سوشل میڈیا پر اپنے خلاف چلنے والی باتوں کو سن کر انتہائی اہم فیصلہ کر لیا ۔انھوں نے ایک مختصر ویڈیو شئیر کی جس میں انھوں نے اپنے جذبات کھول کر رکھ دئیے۔
تنقید برداشت کرنا ہر کسی کے بس کی با ت نہیں۔ فلم کا سپر ہیرو حقیقی زندگی کا سپر ہیرو نہیں ہوتا
تین منٹ کی ویڈیو بنا کر “اسپائیڈر مین ” نے اپنے مداحؤں کو بتایا کہ سوشل میڈیا انسانی ذہنی صحت پر بڑی بُری طرح اثر انداز ہوتا ہے ۔ یہ تفریح کا ذریعہ بننے کے ساتھ ساتھ وبال جان بھی بنتا جا رہا ہے۔
ہر کسی کو آزادی ہے بولنے کی۔ تو ہر شخص اس حق کو استعمال کرتے ہوئے دوسرے کی ذات کی پرخچیاں اُڑا دیتا ہے ۔
اداکار کا کہنا ہے کہ میں تو ایک گھنٹے کی ویڈیو بنا کر سب کو تفصیل سے بتانا چاہتا تھا کہ سوشل میڈیا پر اپنے خلاف باتیں سن سن کر میری ذہنی صحت متاثر ہو رہی ہے اور میں ڈیپریشن کا مریض بنتا جا رہا ہوں۔
اس لئے میں نے فیصلہ کیا ہے کہ اگر مجھے اپنی ذہنی صحت کو بہتر رکھنا ہے تو سوشل میڈیا سے دور رہنا ہو گا ۔ اور اب سے میں انسٹاگرام کو ڈیلیٹ کر رہا ہوں۔
