ڈالر کی قیمت میں کمی کے بعد سوزوکی کمپنی نے گاڑیوں کی قیمت میں کمی کر دی۔
ڈالر کی قیمت میں کمی کے بعد آخر کارگاڑیوں کی کمپنی نے اپنے ڈیلرز کو بھی نئی قیمتوں سے آگا ہ کردیا ۔
اس سے قبل ملک میں 10 کے اندر سوزوکی کمپنی نے گاڑیوں کی قیمتوں میں چار مرتبہ اضافہ کیا تھا ۔ اب پہلی مرتبہ کمی کا اعلان کیا گیا ہے ۔
انڈس موٹرز کے بعد اب پاک سوزوکی کی جانب سے بھی گاڑیوں کی قیمتوں میں کمی کی خوشخبری عوام کو سنا دی گئی۔
گاڑیوں کی قیمتوں میں دولاکھ روپے تک کمی کی گئی ہے ۔ پاک سوزوکی نے اپنے ڈیلرز کو نئی قیمتوں کی لسٹ جاری کر دی ہیں ۔
جاری کردہ لسٹ کے مطابق آلٹو وی ایکس کی قیمت میں 90000 ہزار کی کمی کی گئی اور اس کی پرانی قیمت جو کہ 17 لاکھ 89 ہزار تھی اب کم ہو کر 16 لاکھ99 ہزار ہو گئی ہے۔
آلٹو وی ایکس آر کی قیمت ایک لاکھ 3 ہزار کم ہو کر 19 لاکھ 76 ہزار روپے ہو گئی ہے ۔ سوزوکی ویگن آر کے مختلف ویزینٹز میں بھی ایک لاکھ 74 ہزار روپے اور کلٹس کے مختلف ویرینٹس میں ایک لاکھ 45 ہزار روپے کی کمی کی گئی۔
سوزوکی سوئفٹ کے مخلتف ویرینٹ میں ایک لاکھ 99 ہزارکی کمی ہوئی اور سوزوکی بولان اور راوی کی ویرنٹس میں بھی 75 سے 79 ہزار کمی ہوئی ہے۔
