ٹویوٹا اور سوزوکی کے بعد ہنڈا کمپنی نے بھی گاڑیوں کی قیمت میں کمی کر دی ۔
لاہور (اعتماد ٹی وی) اٹلس ہونڈا کمپنی کی جانب سے گاڑیوں کی قیمتوں میں کمی کا اعلامیہ جاری کیا گیا ہے۔ جس کے مطابق ہونڈا سٹی ایم ٹی 1.2 ایل کی قیمت میں 2 لاکھ 80 ہزار روپے کی کمی کی گئی ہے ۔
اس کے ساتھ ساتھ سٹی سی وی ٹی 1.2 اور 1.5 ایل کی قیمت میں بھی 3،3 لاکھ کی کمی کی گئی ہے۔
سٹی اسپائر ایم ٹی 1.5 ایل کی قیمت میں تقریباً 3 لاکھ 10 ہزار کی کمی اور سٹی اسپائر سی وی ٹی 1.5 ایل کی قیمت میں 3 لاکھ 20 ہزار روپے کی کمی کر دی گئی ہے۔
ہونڈا کمپنی کی جاری کر دہ رپورٹ میں یہ بتایا گیا ہے کہ ہونڈا کی بی آر وی سی وی ٹی ایس کی قیمت میں 3 لاکھ 60 ہزار روپے کی کمی کر دی گئی ہے۔
ہونڈا سوک کی 1.5 ایل ایم سی وی ٹی کی قیمت میں 4 لاکھ 50 ہزار ، سوک 1.5 ایل اور ایل ایم سی وی ٹی کی قیمت میں 5 لاکھ اور ٹربو آر ایس 1.5 ایل ایل ۔ سی وی ٹی کی قیمت میں 5 لاکھ 50 ہزار کی کمی کی گئی ہے۔
ان قیمتوں کا اطلاق 17 اگست 2022 سے ہو گیا ہے ۔ قیمتوں میں حالہ رودبدل ایکس فیکٹری پرائس میں کیا گیا ہے۔
