روس سے تیل خریدنے پر بھارت کو بھی خمیازہ بھگتنا پڑ گیا ۔
آن لائن (اعتماد ٹی وی) ذرائع کے مطابق تیل کی عالمی کمپنیوں اور بینکوں نے رو س سے تیل خریدنے پر بھارتی فرم نیارا انرجی کے ساتھ لین دین بند کر دیا ہے۔
یورپ سمیت بیش تر پروڈیوسرز نے نیا را انرجی کو براہ راست تیل فروخت کرنے سے انکار کر دیا ہے جس کے بعد اب بھارتی کمپنی مشرق وسطیٰ ، روسی اور چینی کمپنیوں تک محدود ہو گئی ہے۔
خبر رساں ایجنسی روئٹر ز کے مطابق روسی کمپنی روزنیفٹ بھارتی ریفائنری نیارا انرجی میں 49 فی صد حصص کی مالک ہے نیارا انرجی بھارت کی دوسری پرائیویٹ ریفائنز ہے ۔ ذرائع کے مطابق عالمی کمپنیاں اور بینک یوکرین پر روس کی چڑھائی کے تناظر میں مغربی پابندیوں کے خدشے کا شکار ہے۔
نیارا انرجی پر یوکرین پر روسی چڑھائی کے تناظر میں پابندی نہیں لگائی گئی، تاہم روسی کمپنی روزنیفٹ پر پابندیاں لگا دی گئیں۔
روئٹرز کے مطابق زیادہ تر تجاری فرمز نے جس میں وائٹیل اور گیلن کور کے ساتھ ساتھ کینیڈا ، لاطینی امریکا اور یورپ نے بھی پروڈیوسر ز نے نیا را براہ راست خام تیل فروخت کرنے سے انکار کر دیا ہے ۔
