بھارت میں موجود ایسا ڈاکٹر جو کہ بیٹی کی پیدائش کی فیس نہیں لیتا۔
اعتماد ٹی وی! زیادہ تر سننے میں آیا ہے کہ بھارت میں بیٹی کی پیدائش کو اچھا نہیں سمجھا جاتا ایسے کئی واقعات بھار ت کی جانب سے زیر بحث آ چکے ہیں لیکن جیسے ہاتھ کی انگلیاں ایک جیسی نہیں ہوتی اسی طرح تمام لوگ بھی ایک جیسے نہیں ہوتے ۔ بھارت میں موجود ڈاکٹر گنیش راکھ کو بیٹی کی بہت خواہش تھی۔
لیکن ان کی یہ خواہش پوری نہ ہو سکی اور ان کی بیٹی ما ں کے پیٹ میں ہی دم توڑ گئی۔ ڈاکٹر گنیش نے بتایا کہ جب ان بیوی کی ڈیلیوری متوقع تھی تو ان کی مالی حالت اچھی نہیں تھی۔
جس کی وجہ سے ان کی بیوی کی طبعیت اچانک سے بگڑ گئی جب وہ بیوی کو ہاسپٹل لے کر گئے تو ڈاکٹر نے اپنی فیس کے ساتھ ساتھ آپریشن کی فیس بھی اداکرنے کے لئے کہا ۔
مالی حالت بہتر نہ ہونے کی وجہ سے ڈاکٹر کو پیسوں کے انتظام کرنے میں دیر ہو گئی جس کی وجہ سے بچی کو اس کا دنیا کا منہ دیکھنا نصیب نہ ہوا اس کے بعد ڈاکٹر گنیش نے فیصلہ کیا کہ وہ کسی بھی حاملہ عورت سے جو کہ بیٹی کو جنم دے گی فیس نہیں لیں گے۔
اسی وجہ سے 33 سالہ ڈاکٹر گنیش نے گزشتہ پانچ سے اب تک تقریباً 432 سے زائد بیٹیوں کی پیدائش بالکل فری کروائی ہے اور بیٹی کی پیدائش کے بعد یہ خود ان کے والدین کو مٹھائی کھلاتے ہیں۔ ان کا کہنا ہے کہ چونکہ مجھے اپنی بیٹی کی خوشی منانے کا موقع نہیں ملا اس لئے میں دوسروں کی بیٹیوں کی خوشیا ں مناتا ہوں۔
