دینے والا جب بھی دیتا ہے دیتا چھپر پھاڑ کے۔
“دینے والا جب بھی دیتا ہے دیتا چھپر پھاڑ کے”یہ مثال کراچی کی ایک خاتون پر بالکل پوری اترتی ہے،جس کو اللہ تعالیٰ نے ایک ساتھ 6 بچوں سے نوازا ہے ۔
یہ خاتون کراچی کے علاقے کالا پل سے تعلق رکھتی ہیں ان کا نام حنا ناظم ہے ۔ اتوار کے روز ان کے ہاں 6 بچوں کی ولادت ہوئی۔
ان چھ بچوں میں 4 لڑکے اور 2 لڑکیاں تھیں۔ ایک بچہ زندگی کی بازی ہار گیا جس کے بعد اب ان کے زندہ بچوں کی تعداد 5 یعنی 3 بیٹے اور 2 بیٹیوں پر مشتمل ہے۔
جناح ہسپتال کی گائناکالوجسٹ ڈاکٹر عائشہ وارث نے ان کی زچگی کی۔ ڈاکٹر عائشہ نے میڈیا کو بتایا کہ ایک ساتھ ان بچوں کی پیدائش ہوئی ہے اور نارمل ہوئی ہے۔
اس جوڑے کی پہلے سے ایک اولاد موجود ہے اب ان کو 5 مزید بچے ملے ہیں۔ یہ مریضہ جناح ہسپتال سے ہی چیک اپ کروارہی تھیں۔
بچوں کو کونیونیٹل کئیر کی ضرورت تھی اس لئے ان کو قومی ادارہ صحت برائے اطفال میں داخل کیا گیا ہے جہاں بچوں کو انکیو بیوٹر میں رکھا گیا ہے۔
