125کا نیا ماڈل متعارف کروا دیا گیا۔
اٹلس ہونڈا نے 125 سی جی کا نیا ماڈل مارکیٹ میں متعارف کر وادیا۔ ڈیلرز کے مطابق نیا ماڈل 19 ستمبر سے مارکیٹ میں بھی دستیاب ہو جائے گا ۔
ہونڈا اٹلس کی جانب سے 125 سی جی میں سوائے نئے گرافکس کے اسٹکیرز میں کوئی تبدیلی نہیں کی گئی۔
گزشتہ 30 سال سے ایک ہی ماڈل کے نئے گرافکس او ر نئے اسٹیکرز کے ساتھ ہر نئے سال ماڈل سی جی 125 کو صارفین کے سامنے پیش کیا جا رہا ہے ۔
مارکیٹ ذرائع کے مطابق مذکورہ ماڈل کی قیمت میں تو آئے روز اضافہ ہوتا ہے رہتا ہے لیکن اس میں کوئی تبدیلی نہیں کی جاتی ۔
اس مرتبہ کمپنی کی جانب سے اس کی قیمت میں اضافہ نہیں کیا گیا سی جی 125 ایک لاکھ 79 ہزار 900 روپے جبکہ ایس ای 2 لاکھ 10 ہزار روپے میں دستیاب ہو گی
ڈیلرز کا کہنا ہے کہ ہونڈا اٹلس نے سی جی 125 ماڈل پہلی مرتبہ 1992 میں متعارف کر وایا تھا جس کے بعد اس رینج میں یہ ب سے زیادہ مقبول ماڈل ہے ۔
سی جی 125 کو طاقتور انجن اور پائیداری کی وجہ سے زیادہ پسند کیا جاتا ہے لیکن ایک حقیقت یہ بھی ہے کہ وقت گزرنے کے ساتھ ساتھ اس ماڈل کی پائیداری
اور کوالٹی میں بھی کمی آ گئی ہے چونکہ اس کے مقابلے میں تاحال کوئی ماڈل نہیں متعارف کروایا گیا اس لئے گاہک اس کی خریداری کو ترجیح دیتے ہیں۔
