جمعیت علمائے پاکستان (جے یو پی) کے رہنما مولانا شاہ اویس نورانی کو کوئٹہ میں پی ڈی ایم کے جلسے کے دوران اپنے تبصرے پر بلوچستان کے بارے میں ہندوستانی بیانیہ کے پرچار کرنے پر تنقید کا سامنا کرنا پڑا۔
مولانا اویس نورانی کو وائرل ویڈیو میں پی ڈی ایم کے جلسے کے دوران یہ کہتے ہوئے سنا جاسکتا ہے کہ ہم چاہتے ہیں کہ بلوچستان ایک آزاد ریاست ہو۔ آج بلوچستان ملک کے ایک پسماندہ علاقے کی طرح نظر آرہا ہے۔
وفاقی وزیر مواصلات مراد سعید نے پی ڈی ایم رہنما اویس نورانی کے ریمارکس پر ردعمل کا اظہار کرتے ہوئے کہا کہ وہ ہندوستان کے قومی سلامتی کے مشیر اجیت ڈوول کے ایجنڈے کو آگے بڑھا رہے ہیں۔
وہ ملک میں تفرقہ پیدا کرنے کی کوشش کر رہے ہیں
مراد سعید نے کہا ، وہ سندھ ، پنجاب اور خیبر پختون خوا میں علاقائی جذبات کو ہوا دینے کے لئے جو کچھ کر رہے ہیں ، ان سے ان باتوں کا اندازہ ہوتا ہے۔
ان کا مزید کہنا تھا کہ اسرائیل اور بھارت دونوں پاکستان کے خلاف سازشیں کررہے ہیں ، تاہم ، دنیا نے اب تسلیم کرلیا ہے کہ بھارت کی جانب سے دہشت گردی کو ریاستی سرپرستی مل رہی ہے۔
