اسلام آباد (نیوز ڈسک) پاکستان بار کونسل کے لئے الیکشن کا باقاعدہ طور پر اعلان کر دیا گیا ہے۔
تفصیلات کے مطابق، پاکستان بار کونسل نے پریس کلپ جاری کیا ہے، جس میں بتایا گیا ہے کہ جناب خلیل الرحمن نے آئندہ 5 سال کے لئے ہونے والے پاکستان بار کونسل کے الیکشن کا باقاعدہ اعلان کر دیا ہے۔
جس کے مطابق، درخواست برائے نامزدگی برائے الیکشن پاکستان بار کونسل جمع کروانے کی آخری تاریخ 12/12/2020 دوپہر 2 بجے تک ہے۔ جبکہ درخواست برائے نامزدگی کا جائزہ 20-12-2020 کو لیا جائے گا۔ اگر کسی درخواست گزار نے اپنی درخواست واپس لینی ہو تو وہ 23-12-2020 کو واپس لے سکتا ہے۔
الیکشن مورخہ 31-12-2020 کو منعقد ہو گے اور الیکشن کا نتیجہ مورخہ 05-01-2021 کو دیا جائے گا۔
آپ کو بتاتے چلے کہ اس پہلے پنجاب بار کونسل کے الیکشن میں بہت سے بے ضابطگیاں اور بد مہذبی دیکھنے میں آئی ہے۔ متعدد پہلے سے منتخب شدہ ممبر پنجاب بار کونسل کے ڈگریاں جعلی نکلنے کے ساتھ ساتھ نو منتخب ممبر برائے پنجاب بار کونسلز کی بھی ڈگریاں جعلی نکلنے کا انکشاف ہوا۔ جس پر لاہور کورٹ نے سماعت کی اور حکم نامہ جاری کیا کہ انکے لائسنس کے ساتھ ساتھ، انکے تمام احکام جو انھوں نے بطور ممبر پنجاب بار کونسلز جاری کئے تھے، سب منسوخ کئے جائے۔
