وٹامن C کی کمی سے مرض بھی ہو سکتا ہے، جانئے آپ کو کیسے پتہ چلے گا کہ وٹامن سی کی کمی ہے۔۔ اور اس کا آسان حل۔

my_admin_user4 years ago1 year ago01 mins

وٹامن سی کی کمی کی وجہ سے جسمانی کمزوری ہوتی ہے۔ ہڈیوں میں درد، مسوڑھوں کا مسلہ، دانتوں کا ہلنا، کسی زخم کا جلدی ٹھیک نہ ہونا۔ ان تمام بیماریوں کی وجوہات وٹامن سی کی کمی ہے۔

 

 

 

اسی طرح چہرے پر جھریاں پڑنا، بالوں کا کمزور ہونا اور آنکھوں کی چمک کم ہونا، بلڈ پریشر اور شوگر لیول کا نارمل نہ ہونا بھی وٹامن سی کی کمی کا ہی نتیجہ ہے۔

 

 

 

ہمارے جسم میں ایک پروٹین جس کو” کلوجن ” کہتے ہیں، جو کہ ہمارے جسم میں موجود ٹشوز، ہڈیوں کو ایک ساتھ جوڑتا ہے اس پروٹین کو وٹامن سی بناتاہے۔ اگر ہمارے جسم میں کلوجن نہیں ہوگا تو ہمارے تمام ٹشوز ہڈیوں سے الگ ہو جائیں گے۔ اس کے علاوہ کلوجن ہماری خوراک سے فولاد کو جذب کرتا ہے اور جسم میں جہاں جہاں آئرن کی ضرورت ہوتی ہے وہاں یہ ہیل کرتا ہے۔ اگر ہماری خوراک میں وٹامن سی نہیں ہے تو کلوجن آئرن کو جذب نہیں کرے گا اور نا ہی کسی بھی اندورنی زخم کو ہیل HEAL کرے گا۔

 

 

وٹامن سی بہت بڑا اینٹی آکسیڈنٹ ہے۔ جو کہ ہمارے جسم میں بڑھنے والے برے مادوں کو کم کرتا ہے۔ جیسے کہ سانس کے ذریعے ہمارے جسم میں جو بھی مادے جاتے ہیں، تیز مصالحہ جات اور سیگریٹ کا دھواں وغیرہ، تمام زہریلے مادے جو ان کی وجہ سے جسم میں بنتے ہیں ان کو ڈیٹاکسیفائیڈ کرتا ہے۔ وٹامن سی ہمارا جسم خود نہیں بنا سکتا۔ نہ ہی اس کو سٹور کرتا ہے اس کو ہمیں خوراک اور سپلیمنٹ کے ذریعے ہی حاصل کرنا پڑتا ہے۔

 

 

اور روزانہ کی بنیاد پر اس کی مقدار استعمال کرنی پڑتی ہے۔ ہمیں کم از کم 90 ملی گرام وٹامن سی روزانہ چاہیے۔ اور اچھے مسلز کے لئے 500 سے 1000 ملی گرام وٹامن سی روزانہ چاہیے ۔ وٹامن سی کھٹے پھلوں سے حاصل ہوتا ہے جیسا کہ مالٹے، لیموں ، میٹھے وغیرہ۔

ایک مالٹے میں 70 سے 80 ملی گرم وٹامن سی موجود ہوتا ہے ، اور لیموں میں 35 سے 40 ملی گرام موجود ہوتا ہے۔ اگر وٹامن سی 2000 کی مقدار تک استعمال کیا جائے تو اس کے نقصان بھی بڑھ جاتےہیں جو کہ ہیضہ، پتھری وغیرہ کا سبب بنتے ہیں، وٹامن سی کی اچھی مقدار جن پھلوں میں ہوتی ہے ان میں بیر، امرود اور مرنگا کے پتے شامل ہیں۔ اگر آپ 100 گرام لیتے ہیں تو آپ کو 250 سے 300 ملی گرام وٹامن سی حاصل ہوتا ہے۔ سب سے زیادہ آملہ میں وٹامن سی موجود ہوتا ہے۔ایک آملہ میں 500 ملی گرام وٹامن سی موجود ہوتا ہے۔