پاکستان ڈے کے موقع پر مقبوضہ کشمیر کی عوام نے انوکھا کارنامہ کر دکھایا

my_admin_user4 years ago01 mins

مقبوضہ جموں وکشمیر کے عوام نے سری نگر، کولگام، شوپیاں اور علاقے کے دیگر حصوں میں مسلسل تیسرے دن بھی پاکستانی پرچم لگا کر یوم پاکستان پر پاکستانی عوام اور حکومت کو مبارکباد پیش کی ہے۔

 

 

کشمیر میڈیا سروس کے مطابق پاکستان کے جھنڈے اور پوسٹرز قائد اعظم محمد علی جناح، وزیر اعظم عمران خان اور آرمی چیف جنرل قمر جاوید باجوہ اور سید علی گیلانی سمیت حریت رہنماؤں کی تصاویر پر مشتمل تھے۔

 

 

ان پوسٹروں کو جموں و کشمیر لبریشن الائنس اور اہل جموں و کشمیر، کشمیر مزاحمتی تحریک، کشمیر حریت یوتھ فورم اور جموں و کشمیر جسٹس لیگ کے ذریعہ آویزاں کیا گیا تھا۔

 

 

سیاسی ماہرین کا کہنا ہے کہ یہ پوسٹر ہندوستان کے لئے ایک پیغام ہے کہ وہ اپنے فوجی قبضوں کے ذریعے کشمیریوں کی آزادی کی تحریک کو کمزور نہیں کرسکتا۔ ان کا کہنا تھا کہ پوسٹروں نے کشمیریوں کی بھارتی غیر قانونی قبضے سے آزادی کے مطالبے کی خوب وضاحت کی ہے۔ ادھر ہندوستان نے شوپیان اور اس علاقے کے دیگر حصوں میں پابندیاں عائد کردی ہے۔