شہر میں زیادہ سے زیادہ درجہ حرارت اگلے چار سے پانچ دن تک 40 ڈگری سینٹی گریڈ تک جانے کا امکان ہے۔
محکمہ موسمیات کی ایک رپورٹ میں بتایا گیا ہے کہ ہواؤں کی سمت جنوب مغرب سے شمال یا شمال مغرب میں تبدیل ہونے کی وجہ سے، آئندہ چار سے پانچ دن کے دوران کراچی میں گرم سے بہت ہی گرم اور خشک موسم رہے گا اور زیادہ سے زیادہ درجہ حرارت 38 سے 40 ڈگری سینٹی گریڈ تک رہنے کا امکان ہے۔
پاکستان کے محکمہ موسمیات (پی ایم ڈی) نے بھی دن کے وقت سمندری ہوا کی معطلی کی پیش گوئی کی ہے ، جس سے شہر کے درجہ حرارت میں مزید اضافہ ہوگا۔
محکمہ موسمیات نے اس سے قبل کراچی میں گرم موسم کے خلاف انتباہ کیا تھا۔ موسم کی رپورٹ کے مطابق، تبدیلی کراچی کی طرف چلنے والی خشک اور گرم شمال مغربی ہواؤں کی وجہ سے ہوئی ہے۔
موسم گرما کی بڑھتی ہوئی شدت کے بارے میں بات کرتے ہوئے موسمی حالات بتانے والوں نے بتایا کہ ہوا کی سمت میں تبدیلی کی وجہ سے درجہ حرارت معمول سے 4 سینٹی گریڈ سے 6 ڈگری سینٹی گریڈ رہنے کا امکان ہے۔
ایک پی ایم ڈی عہدیدار نے بتایا ، “شہر میں شمال مغربی علاقوں سے خشک اور تیز ہوائیں چلیں گی ، تاہم فی الحال ہیٹ ویو کا امکان نہیں ہے۔”