پیر محمد عبدالوحید رضوی نے حضرت ابراہیم ؑ کا ایک بہت خوبصورت واقعہ بیان کیا جس سے آپؑ کی اللہ کے لئے معرفت ظاہر ہوتی ہے، بیان کرتے ہیں: حضرت ابراہیم ؑ کے پاس پانچ ہزار بکریوں کا ریوڑ تھا ۔
اللہ نے آپ کو بے شمار نعمتوں سے نوازا ہوا تھا۔ ایک وقت ایسا بھی آیا تھا جب حضرت ابراہیم نے اپنا سب کچھ اللہ کی راہ میں دے دیا۔ اپنے پاس کچھ نہ رکھا۔جب فرشتوں نے اللہ سے عرض کیا کہ اے اللہ ہم تیرے بندے کی آزمائش لینا چاہتے ہیں۔
اللہ نے فرمایا لے لو آزمائش۔ فرشتے حضرت ابراہیم ؑ کے پاس تشریف لائے اور اللہ کی شان میں ایک آیت عرض کی جسے سن کر حضرتِ خلیل اللہ کو بہت لطف آیا۔
آپؑ کو وہ آیت سن کر اتنا لطف آیا کہ آپؑ کی آنکھوں میں آنسو آگئے اور آپؑ نے عرض کی کہ ایک دفعہ اور یہ آیت سناؤ میرے پاس جتنی دولت ہے آدھی دے دوں گا۔انسانی شکل میں جو فرشتہ تھا وہ بہت حیران ہوا۔
آپؑ نے فرمایا آدھی تیری ہے یہ لے جا۔ جب وہ وہاں سے واپس جانے لگا تو آپؑ نے فرمایا : رک جا! ایک دفعہ اور وہ آیت عرض کر دے ، جو رہ گیا ہے وہ بھی لے جا۔ انہوں نے وہ آیت دوبارہ سنائی اور سن کر آپؑ نے اپنے پورے ریوڑ کا مالک انہیں بنا دیا۔ سب کچھ دے دیا۔
آپؑ جب گھر جانے لگے، تو پیچھے سے فرشتوں نے کہا کے حضور، ہمیں پہچان لیجئے ہم راہی نہیں ہیں ہم فرشتے ہیں۔آپ کی ازمائش کے لئے آئے تھے یہ مال سارا آپ کا ہی ہے۔
آپ کو مبارک ہو۔
اس قدر حضرت ابراہیمؑ کو اللہ تعالیٰ سے پیار تھا۔
