اسلام آباد (اعتماد نیوز ڈیسک) وزیراعظم خان صاحب کا کہنا ہے کہ پاکستان کا شمار ان ممالک میں ہوتا ہے جو پیٹرولیم مصنوعات درآمد کرتے ہیں۔
پاکستان کی تاریخ کے سب سے بڑے فلاحی پروگرام کا اعلان کر دیا،وزیر اعظم عمران خان
وزیراعظم نے بتایا کہ دنیا بھر میں پیٹرول کی قیمتوں میں مسلسل اضافہ ہو رہا ہے، مگر پاکستان میں اب بھی اس کی قیمت کم ہے، اس وجہ سے وزیر اعظم نے کہا کہ ہمیں پیٹرول کی قیمتوں میں اضافہ کرنا پڑے گا، دو کروڑ خاندانوں کے لیے 120 ارب روپے کا پیکج لا رہے ہیں۔
ان کا کہنا تھا کہ آٹا، دالوں اور گھی پر 30 فیصد سبسڈی دیں گے، 40 لاکھ خاندانوں کو بلا سود قرض دینے کا پروگرام لا رہے ہیں۔ جب کہ کسانوں کو 5 لاکھ روپے تک کا بلاسود قرض ملے گا، جن صوبوں میں ہماری حکومت ہے وہاں صحت کارڈ لا رہے ہیں، خیبرپختونخوا میں صحت کارڈ مل چکے ہیں، کشمیر، اسلام آباد اور پنجاب میں بھی سب خاندانوں کو صحت کارڈ دیں گے جس سے وہ 7 سے 10 لاکھ روپے کا علاج کسی بھی اسپتال سے کرا سکیں گے۔
