سیاست (اعتماد ٹی وی) پاکستان کی سیاست اور تحریک انصاف پارٹی میں گرما گرمی کے چلتے تحریک انصاف کے رہنما ندیم افضل چن بھی بول پڑے۔ ندیم افضل چن نے نجی چینل کے پروگرام میں ایک اور سکینڈل کا انکشاف کر دیا۔
تفصیلات کے مطابق ندیم افضل چن نے ایک نجی ٹی وی چینل کے پروگرام میں سالم سرگودھا رنگ روڈ کو راولپنڈی رنگ روڈ ٹو کا نام دے دیا اور بتایا کہ سالم سرگودھا رنگ روڈ کا روٹ مخصوص شخصیات بیوروکریٹس اور سوسائٹی کو فائدہ پہنچانے کے لیے تبدیل کر دیا گیا ہے اور اس معاملے میں ہمیں اعتماد میں نہیں لیا گیا میں نے وزیراعظم سے ملاقات کے دوران بھی اس معاملے کو کافی اٹھایا ہے وزیراعظم اور وزیر اعلی پنجاب عثمان بزدار کو اس معاملے کی انکوائری کرنی چاہیے اور ذمہ داروں کو سامنے لانا چائیے۔
یاد رہے کہ پچھلے دنوں پرویز خٹک اور وزیراعظم عمران خان کے درمیان گرما گرمی کی خبریں بھی میڈیا پر گھومتی رہی ہیں تحریک انصاف کے اندر پارٹی دھڑوں کے بننے کا بھی انکشاف ہوا ہے۔ لیکن وزیر دفاع دفاع پرویزخٹک نے ان سب باتوں کی تردید کی اور کہا کہ عمران خان میرا لیڈر ہے میں اس کے خلاف کچھ نہیں بول سکتا
