اچھا کام نہ کرسکے تو گھر چلے جائیں گے، وزیراعظم عمران خان کو اگر ہمارا کام پسند نہیں تو۔۔۔ وزیر خزانہ شوکت ترین نے اہم اعلان کر دیا

کراچی (اعتماد ٹی وی) وزیر خزانہ شوکت ترین نے اہم اعلان کردیا۔ انہوں نے کہا اگر وزیراعظم عمران خان ہماری کارکردگی سے مطمئن نہ ہوئے تو ہم عہدہ چھوڑ کر گھر چلے جائیں گے۔

کراچی چیمبر آف کامرس اینڈ انڈسٹری میں تقریب کے بعد جب میڈیا والوں نے شوکت ترین سے بات کرنے کی کوشش کی تو انہوں نے کسی سوال کا جواب دینے سے گریز کیا۔
جب کسی نے سوال پوچھا کہ وزارت خزانہ کو ٹاپ ٹین وفاقی وزارتوں میں شامل کیوں نہیں کیا گیا تو اس پر جواب دیتے ہوئے شوکت ترین نے کہا کہ اگر اچھا کام نہیں کرسکے تو گھر چلے جائیں گے۔

اس سے قبل وزیر خارجہ شاہ محمود قریشی نے اعلیٰ کارکردگی کی وزارتوں کی فہرست میں 11ویں نمبر پر آنے پر وفاقی حکومت پر برہمی کا اظہار کیا تھا۔
وزیر خارجہ شاہ محمود قریشی نے بھی وزیراعظم کے معاون خصوصی برائے اسٹیبلشمنٹ کو لکھے گئے خط میں اعلیٰ کارکردگی کی حامل وزارتوں کی درجہ بندی پر مایوسی کا اظہار کیا تھا۔