ایچ بی ایل پی ایس ایل پاکستان سپر لیگ کے پلے آف اور فائنل کے تمام ٹکٹس فروخت ہوگئے۔ آن لائن ٹکٹس ویب سائٹ بک می ڈاٹ پی کے پر فروخت کے لیے پیش کیے گئے تھے۔ چیف ایگزیکٹو فیضان اسلم نے تمام ٹکٹس فروخت ہونے کی تصدیق کر دی ہے۔
چند میچز کے مخصوص انکلوژر کے ٹکٹ محدود تعداد میں اب بھی دستیاب ہیں، کراچی کی نسبت لاہور میں پی ایس ایل کے میچز کے لیے شائقین کی دلچسپی زیادہ دیکھی گئی، لاہور قلندرز ٹیم کے تمام میچز کے ٹکٹ سب پہلے آن لائن فروخت ہوئے۔
لیگ میچز کی کم سے کم قیمت اڑھائی سو روپے رکھی گئی تھی، پلے آف کے لیے ایک ہزار اور فائنل کے لیے جنرل انکلوژر کا ٹکٹ 1500 رکھا گیا، فائنل کا مہنگا ترین ٹکٹ ہاسپٹیلٹی باکس کا سات ہزار روپے ہے۔
