مونس الہٰی کا وزیر اعظم کے حق میں بیان ! پیپلز پارٹی ناراض
کراچی (اعتماد ٹی وی) شہباز شریف کی چودھری پرویز الٰہی سے ملاقات آج کل سرخیوں میں ہے گزشتہ روز وزیر اعظم نے بھی بیان دیا کہ حکومت مخالف ارکان گھبرائے ہوئے ہیں 20 سال پرانی فوتگیوں کی دعا کروارہے ہیں اور بیماروں کی عیادت کو جا رہے ہیں ۔
وزیر اعظم نے مونس الٰہی کے کام کی تعریف کی اور جواب میں مونس الٰہی نے حکومت کو اعتماد دلا یا کہ وہ پاکستان کی خدمت میں کسی قسم کی کوتا ہی نہیں کریں گے ، یہ میل ملاقاتیں سیاسی لوگوں کے لئے عام بات ہیں۔
مونس الٰہی کے بیان پر پیپلز پارٹی کے رہنما قمر زمان کائرہ اور ن لیگ کے رہنما احسن اقبال نے ردعمل ظاہر کیا ہے۔ ن لیگی رہنما احسن اقبال نے بیان دیا کہ ہمیں حکومت کو گھر بھیجنے کے لئے کسی کے ساتھ کی ضرورت نہیں۔ اپوزیشن خود اس کام کے لئے کافی ہے۔
پیپلز پارٹی کے رہنما قمر زمان کائرہ کے مطابق اپوزیشن کا حق ہے وہ سیاسی طریقے سے حکومت کی مخالفت کرے اگر ہم سیاست نہیں کریں تو کیا ان کے خلاف سازشیں کریں۔
قمر زمان کائرہ نے چودھری پرویز الٰہی کو مخاطب کرتے ہوئے کہا کہ ان کا بیٹا گھر عیادت کے لئے آئے مہمانوں کو تماشے کا نام دے رہا ہے تو چودھر ی صاحب کو سوچنا چاہیے اوراپنے گھر میں ایسے تماشوں کی اجازت نہیں دینی چاہیے ۔ان کو اس سلسلے میں کوئی ٹھوس قدم اٹھانا چاہیے۔
