علیزے شاہ کے ستارے پھر سے گردش میں!
لاہور (اعتماد ٹی وی) پاکستان ڈرامہ انڈسٹری کی مشہور اداکارہ علیزے شاہ، جنھوں نے کم وقت میں ہی اپنا نام بنا لیا ہے۔ علیزے شاہ کو خدا نے قدرتی حسن سے مالا مال کیا ہے۔
اور ان پر وہ مثال بھی خوب جچتی ہے کہ خدا جب حسن دیتا ہے تو نزاکت آ ہی جاتی ہے۔ علیزے شاہ ماڈلنگ کی دنیا میں بھی خاصہ نا م بنا چکی ہیں۔
علیزے شاہ بہت سے اداکاروں کی طرح سوشل میڈیا پر کافی ایکٹو ہیں اور بہت سی ویڈیوز شئیر کرتی ہیں۔ اگر علیزے شاہ کے پروفیشنل رویے کی بات کی جائے تو بہت سے لوگ ان سے ناراض ہیں۔ بہت سے لوگوں کا خیال ہے ان کے ساتھ کام کرنے سے بہتر ہے کہ انسان فارغ رہ لے۔
حال ہی میں زرنش خان کے علیزے شاہ پر دئیے گئے بیان پر انڈسٹری میں کافی ہلچل مچی ہوئی ہے۔ یہ بیان انھوں نے وجاہت رؤف کے انٹرویو میں ایک سوال کے جواب میں دیا ۔
سوال تھا کہ اگر بدتمیزی کا مقابلہ ہو تو زرنش خان اور علیزے شاہ میں کون جیتے گا ۔ جس کے جواب زرنش خان نے کچھ یوں دیا کہ مقابلہ بدتمیزی جس کسی سے بھی ہو علیزے شاہ ہی جیتیں گی۔ سامنے زرنش خان ہو یا کوئی اور اس سے فرق نہیں پڑتا۔
اس ویڈیو کو سوشل میڈیا پر خوب وائرل کیا جا رہا ہے۔ اس کے جواب میں علیزے شاہ نے سامنے سے کچھ نہیں کہا لیکن اپنے انسٹا گرام کی سٹوری پر مفتی مینک کا پیغام لگایا۔
“لوگوں سے یہ اُمید مت رکھو کہ وہ تمہیں اور تمہارے کام و رویے کو سمجھیں۔ وہ وہی بولتے ہیں جو سامنے دیکھتے ہیں۔ انھیں ان مشکلات سے کوئی مطلب نہیں جن سے آپ کا سامنا ہوا۔ اس لئے ایسے لوگوں کی باتوں پر دھیان نہ دو ۔ بس مسکراؤ اور آگے بڑھ جاؤ اللہ تمہارے ساتھ ہے۔”
اس سے قبل اداکار نوید رضا نے بھی زرنش خان کی طرح کا بیان ہی دیا تھا کہ علیزے شاہ کا پروفیشنل رویہ بہت بدتمیزانہ ہے۔ اور ہدایتکار و اداکار یاسر نواز بھی علیزے شاہ کے ساتھ کام کرنے پر افسوس کا اظہار کر چکے ہیں۔
علیزے شاہ نے زرنش خان کے ساتھ ہم ٹی وی کے ڈرامے “کن فیکون” میں کام کیا تھا جس کا نام تبدیل کر کے جو تو چاہے رکھا گیا۔
آپ کو بتاتے چلے کہ گزشتہ دنوں علیزے شاہ کی ایک ویڈیو بھی وائرل ہوئی تھی جس میں وہ کار میں بیٹھی سگریٹ پی رہی تھی۔
علیزے کی اس ویڈیو پر بہت سے لوگوں نے تنقید کی اور اس کو ٹویٹر پر ٹرال بھی کیا، جس پر عوام کی طرف سے تنقید کرنے کے ساتھ، اس ویڈیو پر یہ بھی کہا گیا کہ علیزے کی مرضی ہے وہ جو چاہے کرے۔
جبکہ علیزے نے اس سے پہلے مسلمان کمیونٹی پر تنقید کر رکھی ہے کہ مسلمان بچیاں خصوصا پاکسان میں اپنی مرضی زندگی بسر نہیں کر سکتی، ا نہیں ہر وقت پابندی کا سامنا ہے کبھی کھانے کی کبھی پینے اور کبھی پہننے کی۔
علیزے کے اس بیان پر بھی لوگوں نے کافی تنقید کی۔
