وزیر اعظم عمران خان کے کامیاب روسی دورے کے بعد، امریکی حکام نے نیشنل بینک آف پاکستان (این بی پی) پر اینٹی منی لانڈرنگ کی مبینہ خلاف ورزیوں پر 50.4 ملین ڈالر کا جرمانہ عائد کیا ہے۔
عمران خان کے روسی دورہ کے نقصانات سامنے آنے لگے۔ پاکستان کو امریکہ کی بات نہ ماننا مہنگا پڑ گیا، امریکہ کی طرف سے پاکستان کو بھاری جرمانہ عائد۔۔
تفصیلات کے مطابق امریکی فیڈرل ریزرو بورڈ نے اینٹی منی لانڈرنگ کی مبینہ خلاف ورزیوں پر نیشنل بینک آف پاکستان کے خلاف 20.4 ملین ڈالر جرمانے کا اعلان کیا ہے۔
دریں اثنا، سپرنٹنڈنٹ آف فائنانشل سروسز ایڈرین اے ہیرس نے اعلان کیا کہ نیشنل بینک آف پاکستان اور اس کی نیویارک برانچ نے نیویارک اسٹیٹ ڈیپارٹمنٹ آف فنانشل سروسز (DFS) کے ساتھ کیے گئے رضامندی کے آرڈر کے تحت 30 ملین ڈالر جرمانے کی ادائیگی پر اتفاق کیا ہے۔ انہوں نے مزید کہا کہ نیشنل بینک آف پاکستان نے اپنی نیویارک برانچ میں تعمیل کی سنگین خامیوں کو بار بار ریگولیٹری انتباہات کے باوجود برسوں تک برقرار رہنے دیا۔
