خانیوال (اعتماد ٹی وی) خانیوال میں پیپلزپارٹی کے لانگ مارچ کی کوریج کرنے والا ڈرون کیمرہ آصفہ بھٹو زرداری سے ٹکراگیا جس سے وہ زخمی ہوگئیں۔ بلاول بھٹو کے سیکیورٹی عملے نے ڈرون آپریٹر کو پکڑلیا۔
پیپلزپارٹی کے لانگ مارچ کے دوران آصفہ بھٹو زرداری کے زخمی ہو گئیں، چہرے سے خون نکل آیا، تفصیل سامنے آگئی
آصفہ بھٹو کو ملتان کے اسپتال لے جایا گیا جہاں انہیں طبی امداد فراہم کی گئی۔ بلاول بھٹو کا موقف تھا کہ انہیں علم نہیں کہ جان بوجھ کر یا غلطی سے کسی چینل کا ڈرون آصفہ کو لگا ہے۔
ڈرون کیمرا پی پی پی کے مارچ کی کوریج کے لیے استعمال کیا جارہا تھا اور اس دوران یہ واقعے پیش آیا۔ اس وقت خانیوال میں لانگ مارچ کے شرکا نعرے لگارہے تھے۔ ماحول پرجوش تھا۔ اچانک کوریج کے دوران آصفہ بھٹو چہرے پر ڈرون کیمرہ لگنے سے زخمی ہوگئیں۔
