اسلام آباد ( اعتماد ٹی وی ) گزشتہ روز بجلی کے یونٹ میں 5 روپے فی یونٹ اضافہ کی منظوری کی خبر سے عوام میں تشویش کی لہر دوڑ گئی۔
بجلی کی قیمت میں اضافہ نہیں بلکہ کمی کی ہے، حماد اظہر۔
حال ہی میں وزیر اعظم نے اعلان کیا تھا کہ جون 2022 بجٹ آنے تک قیمتیں مستحکم رہیں گی لیکن گزشتہ روز نیپرا کی منظوری کے بعدبجلی کی قیمتوں میں اضافے کا اعلامیہ جاری کیا گیا تھا۔
وفاقی وزیر توانائی حماد اظہر نے اس خبر کو جھوٹ قرار دیتے ہوئے کہا کہ بجلی کی قیمتوں میں اضافہ بالکل نہیں کیا گیا، بلکہ وزیر اعظم پاکستان کے اعلان سے بجلی کی قیمت میں 5 روپے فی یونٹ کمی کی گئی ہے۔ یہ ایک بے بنیادی خبر ہے۔ عالمی منڈی میں آئے روز تیل کی قیمت میں اضافہ ہو رہا ہے۔
