امریکہ میں پہلی بار نماز تراویح با جماعت ادا کی گئی۔
آن لائن ( اعتماد ٹی وی ) غیر ملکی ذرائع کے مطابق امریکہ کے شہر نیویارک میں موجود مشہور ٹائمز اسکوائر نے مبارک مہینے رمضان کے آغاز پر حیران کن تحفہ دیا۔
انھوں نے رمضان المبارک کے اس مہینے کے آغاز پر تقریبا ایک ہزار سے زائد مسلمانوں کو روزہ افطار کروانے کے انتظامات کئے ۔ اور اس کے علاوہ امریکا سمیت کینڈا اور مونٹریال سے آئے مسلمانوں کو افطار باکس بھی دئیے۔
ٹائمز اسکوائر میں افطار سے قبل قرآن پاک کی آیات کی تلاوت کی گئی اور پھر رمضان المبارک کے حوالے سے اس کی اہمیت بیان کی گئی۔ اس ماہ مقدس کے بارے میں معلومات بھی دی گئیں۔
اس کے علاوہ ٹائمز اسکوائر میں پہلی مرتبہ تماز تروایح باجماعت ادا کی گئی اور پہلے روزے پر اس کو سوشل میڈیا پر نشر کیا گیا۔
ٹائمز اسکوائر کی مسلم انتظامیہ نے تراویح اور افطار کے حوالے سے بات کرتے ہوئے کہا ہمارا مقصد بس اتنا ہے کہ جو اسلام کے متعلق غلط فہمی لوگوں میں موجو دہے اس کو دور کریں اور دنیا کو بتائیں کے اسلام ایک امن پسند مذہب ہے۔ اور یہ برابری کے حقوق دیتا ہے۔ ٹائمز اسکوائر پر مسلمانو ں کے مذہبی اجتماع کا یہ پہلا موقع تھا۔
سوشل میڈیا صارفین کی جانب سے بھی ٹائمز اسکوائر کے اس اقدام کو سراہا گیا ہے۔ اور آئندہ مسلمانوں کے لئے بہترین وقت آنے کی پیش گوئی کی گئی ہے۔
