پاکستان میں دو عیدوں کی روایت نہ ٹوٹی، مفتی پوپلزئی نے نیا پینڈوا باکس کھول دیا ۔
پشاور (اعتماد ٹی وی) پاکستان میں ہمیشہ سے ایسا ہی ہوتا آیا ہے کہ دو عیدیں منائی جاتی ہیں اور اختلافات بھی ہمیشہ سے کے پی کے کی رویت ہلال کمیٹی سے ہوتے ہیں۔ اس حوالے سے بات کرتے ہوئے مفتی پوپلزئی نے کہا کہ مرکزی رویت ہلال کیمٹی ہمیشہ سے ایسا ہی سلوک کرتی نظرآئی ہے ان کو چاند کیوں نظر نہیں آتا۔
مفتی شہاب الدین پوپلزئی نے مرکزی رویت ہلال کمیٹی پر سوال اُٹھاتے ہوئے کہا سب سے ضروری سوال یہ ہے کہ مرکزی کمیٹی ہمیشہ علاقائی کمیٹی کی شہادتیں قبول کیوں نہیں کرتی؟ یہاں پر موجود سینکڑون جید علماء کی شہادتوں کو کیوں قبول نہیں کیا جاتا؟ ان کو نظر انداز کرنے کی وجہ کیا ہے؟
مفتی پوپلزی نے کہا کہ اگر ان اتنا شبہہ ہے تو یہ اپنے پیرامیٹرز ہمارے ساتھ رکھ لیں۔ شرعی حدود کے مطابق ہماری تصدیق شدہ شہادتوں کو سنیں اور ان کی جانچ کریں۔ اگر تو وہ شرعی اعتبار سے قابل قبول نہیں ہیں تو پھر قوم کو آگاہ کریں کہ یہ وجہ ہے ۔لیکن ان شہادتوں کو بغیر جانچیں رد کرنا کوئی اچھی بات نہیں ۔ مرکزی کمیٹی مراعات تو لے سکتی ہے لیکن شہادتیں نہیں۔
