چلتی موٹر سائیکل میں اچانک ایسا کچھ ہوا کہ نوجوان موٹر سائیکل سے کود گیا۔
آن لائن (اعتماد ٹی وی) بھارت میں ایک انوکھا واقعہ پیش آیا ۔ بھارتی ریاست چنئی میں ایک حادثے نے عوام کو حیرت کے ساتھ ساتھ خوف میں مبتلا کردیا ۔ ہوا کچھ یوں کہ ایک نوجوان جو کہ چنئی کا رہائشی تھا موٹر سائیکل پر سفر کر رہا تھا کہ اچانک سے اس کی موٹر سائیکل میں آگ بھڑک اُٹھی۔
نوجوان ارون راملنگن منڈاولی کے قریب اپنی موٹر سائیکل پر جا رہا تھا جب یہ ناخوشگوار واقعہ پیش آیا۔ جیسے ہی ارون نے دیکھا کہ موٹر سائیکل میں آگ بھڑک اُٹھی ہے اس نے اپنی زندگی بچانے کے لئے موٹر سائیکل سے چھلانگ لگا دی اور خود کو بچا لیا۔
ارون کی موٹر سائیکل دیکھتے ہی دیکھتے ختم ہو گئی۔ موٹر سائیکل صرف ڈھانچہ ہی باقی رہ گیا۔ حادثے کے وقت موجود عوام میں یہ تمام منظر دیکھ کر خوف و ہراس پھیل گیا ۔ فائر فائٹرز کو اطلاع دی گئی لیکن ان کے پہنچے تک موٹر سائیکل کا کچھ نہیں بچا تھا۔
جس جگہ حادثہ پیش آیا اس جگہ پر آمدروفت کم تھی اس لئے کسی کو کوئی نقصان نہیں پیش آیا۔ اس واقعے کی تحقیق کی جارہی ہے تا کہ پتہ چلایا جائے ایسے موٹر سائیکل میں آگ لگنے کی وجہ کیا ہے حکام کی جانب سے کہا جا رہا ہے کہ وائرنگ میں نقص کی وجہ سے ہوسکتا ہے ایسا ہوا ہو۔ لیکن تاحال یقین سے کچھ کہا نہیں جا سکتا۔
